🔥ឆ្លង​ចរន្ត​អគ្គិសនីឆេះរោងចាំចម្ការ០១កន្លែងអស់ទាំងស្រុងនៅស្រុកមោងឫស្សី

ខេត្តបាត់ដំបង៖ រោងចាំចម្ការមួយកន្លែងត្រូវបានអគ្គិភ័យឆាបឆេះអស់ទាំងស្រុងនៅវេលាម៉ោង១២និង៣០នាទី​ ថ្ងៃទី១០ ខែកក្កដា ឆ្នាំ២០២៥ នៅចំណុចក្រុមទី០១ ស្ថិតក្នុងភូមិដើមដូង ឃុំមោង ស្រុកមោងឫស្សី​ ខេត្តបាត់ដំបង​ ។

​ ករណីអគ្គិភ័យខាងលើនេះបណ្តាលឲ្យឆេះរោងចាំចម្ការដែលមានទំហំ ១២ម៉ែត្រX ១២ម៉ែត្រ សង់អំពីឈើក្រាលក្តារ ដំបូលនិងជញ្ជាំងស័ង្កសី ឆេះអស់ទាំងស្រុងរួមជាមួយសម្ភារៈខូចខាតមាន៖ ,សូឡាមួយឈុតធំគិតជាទឹកប្រាក់ចំនួន ១០០០០ដុល្លារ, តុឈើ០២ឈុត​ គ្រែឈើ១គិតជាទឹកប្រាក់៥០០០ដុល្លារ,ដុំភ្លើងម៉ូទ័រ៦គ្រាប់ គិតជាទឹកប្រាក់ ១២០០ដុល្លារ, តេលេត្រូនគិតជាទឹក ប្រាក់ចំនួន៥០០០ដុល្លារ, រ៉ឺម៉កត្រាក់ទ័រ១ ស្មើ១០០០ ដុល្លារ ,ម៉ាស៊ីនកាត់ស្មៅ០៣គ្រឿង ,ម៉ូទ័របូមទឹក០៣, ម៉ូទ័រលាងឡានចំនួន០១ , រទេះឈើ០២, ទូកត្នោត០២, រណារអារឈើ០២ ,ម៉ូទ័រដោះវីស០៣គ្រឿង ,ម៉ាស៊ីនខ្យល់ ០១គ្រឿង ,កាមេរ៉ាសុវត្ថិភាព២៥គ្រាប់។ 

សរុបការខូចខាតទាំងអស់ប្រហែល ៣១០០០ ដុល្លារ។ ម្ចាស់ចម្ការឈ្មោះ ស្រេង តូរី  ភេទប្រុស​  អាយុ៤៤ឆ្នាំ។

ក្នុងហេតុការណ៍អគ្គិភ័យខាងលេីនេះដែរ សមត្ថកិច្ចបានចេញរថយន្តពន្លត់អគ្គិភ័យរបស់អធិការដ្ឋាននគរបាលស្រុកមោងឫស្សី​០១គ្រឿង​ ដោយប្រើប្រាស់អស់ទឹក០១ឡាន ទើបរលត់ទាំងស្រុង ហើយក៏មិនបង្កឱ្យមានគ្រោះថ្នាក់ដល់មនុស្សឬសត្វឡើយ៕

ដោយ៖ សូរិយា