កាំភ្លើងធំបំបែកកំណត់ត្រាក្លិបទិញខ្សែប្រយុទ្ធAlexandre Lacazette

ក្រុមកាំភ្លើងធំ Arsenal បានសម្រេចជោគជ័យក្នុងការទិញ ខ្សែប្រយុទ្ធ អន្តរជាតិបារាំងAlexandre Lacazette ពីក្លិបLyonក្នុងតម្លៃ៤៦,៥លានផោនដែលជា​តម្លៃខ្ពស់បំផុតក្នុងប្រវត្តិសាស្រ្តក្លិប ។

កំណត់ត្រាចាស់ក្នុងការទិញកីឡាកររបស់Arsenalគឺត្រឹមតែ ៤២,៤លានផោនពេល កាំភ្លើងធំ ទិញខ្សែបម្រើអាល្លឺម៉ង់ Mesut Ozil ពីក្រុម Real Madrid កាលពីឆ្នាំ២០១៣។

ខ្សែ​ប្រយុទ្ធ​​វ័យ​២៦​ឆ្នាំ​សញ្ជាតិ​បារាំងAlexandre Lacazette​បាន​និយាយ​ក្រោយ​ចុះ​ហត្ថលេខា​ថា “Arsenal គឺ​ជា​ក្លិប​ដែល​លេង​បាល់​​ល្អ​បំផុត​នៅ​អង់គ្លេស​ធ្វើ​ឲ្យ​ខ្ញុំ​ចង់​មក​កាន់​ទី​នេះ។ ខ្ញុំ​ចូលចិត្ត​ប្រវត្តិសាស្ត្រ​របស់​ក្លិប​ និង​អ្នក​ចាត់ការ​ទូទៅ ហើយ​ទីនេះ​ក៏​មាន​កីឡាករ​ជនជាតិ​បារាំង​មួយ​ចំនួន​ដែរ​ធ្វើ​ឲ្យ​ពួក​យើង​មាន​ភាព​ងាយ​ស្រួល​ក្នុង​ការ​សម្រប​ខ្លួន” ។

គួរបញ្ជាក់ថា Lacazette ស៊ុតបាល់បញ្ចូលទីបាន​៣៧​គ្រាប់ក្នុង​ចំណោម​៤៥​ប្រកួត​ និង នាំ​ Lyon ឡើង​ដល់​វគ្គ​ផ្ដាច់ព្រ័ត្រ Europa League រដូវកាល​មុន​។ គាត់នឹង​អាច​ហ្វឹកហាត់​ជាមួយ​ ក្រុម​នៅ​ចុង​សប្ដាហ៍​នេះ​ដើម្បី​ហោះ​ទៅ​កាន់​អូស្ត្រាលី​នៅ​សប្ដាហ៍​ក្រោយ​ដើម្បី​ ប្រកួត​មិត្ត​ភាព​កម្ដៅ​សាច់​ដុំ ។

ខាងក្រោមនេះគឺជាលទ្ធផលនៃការប្រកួតកាលពីថ្ងៃទី៥ ខែកក្កដា ឆ្នាំ២០១៧៖