សារព័ត៌មាន នគរវត្ត តែងតែនាំមុខគេជានិច្ច
លោកJose Mourinho អ្នកចាត់ការទូទៅក្លិបបិសាចក្រហម Manchester United ត្រូវបានផ្តល់កិត្តិយសយ៉ាងធំធេង ដោយរដ្ឋាភិបាលប្រទេសព័រទុយហ្គាល់យកឈ្មោះគាត់មក ដាក់ជាឈ្មោះផ្លូវមួយខ្សែ។
ផ្លូវឈ្មោះ Rua da Saude ត្រូវបានប្រកាសប្តូរជាផ្លូវការមកជាឈ្មោះថា Avenida Jose Mourinho វិញស្ថិតនៅក្នុងទីក្រុង Setubal ដែលជាស្រុកកំណើតរបស់លោក Jose Mourinho តែម្តង។
កិត្តិយសនេះត្រូវបានផ្តល់ដល់អតីតអ្នកចាត់ការក្លិប Real Madrid និង Chelsea ដើម្បីទទួលស្គាល់ពីភាពជោគជ័យក្នុងវិស័យបាល់ទាត់របស់គាត់។
លោកMourinhoក៏បានចូលរួមពិធីសម្ពោធជាមួយនឹងម្តាយរបស់គាត់ផងដែរ ដោយបាននិយាយថា គាត់ពិតជារំភើបនិងមានមោទនភាពបំផុត ៕ ដេវីត
