សារព័ត៌មាន នគរវត្ត តែងតែនាំមុខគេជានិច្ច
សហព័ន្ធវាយកូនបាល់នារីអន្តរជាតិ(WTA)បានឲ្យដឹងថា អតីតម្ចាស់ពានរង្វាន់តេន្នីស Wimbledon ឆ្នាំ១៩៩៨ លោកស្រី Jana Novotna បានបាត់បង់ជីវិត ដោយសារជំងឺមហារីក កាលថ្ងៃចន្ទ ទី២០ ខែវិច្ឆិកា។
នាយកប្រតិបត្តិ WTA លោក Steve Simon និយាយក្នុងសេចក្ដីថ្លែងការណ៍ថា “លោកស្រី Jana ជាអ្នកជំរុញទឹកចិត្តទាំងក្នុង និង ក្រៅទីលាន សម្រាប់នរណាដែលមានឱកាសបានស្គាល់នាង” ។
លោកស្រី Jana បានឈ្នះបេះដូងអ្នកគាំទ្រក្រោយទទួលជ័យជម្នះលើអតីតកីឡាការនីរួមជំនាន់ Steffi Graf ក្នុងវគ្គផ្ដាច់ព្រ័ត្រ Wimbledon ឆ្នាំ១៩៩៣។
គួរបញ្ជាក់ថា អតីតកីឡាការនីជនជាតិឈេក បានចំណាយពេល១៤ឆ្នាំក្នុងអាជីពកូនបាល់នេះ ដោយធ្លាប់ពានរង្វាន់កម្រិត Grand Slam ១ដង, ពានទោលស្ត្រីសរុប២៤ដង និងវាយជាគូ និងចម្រុះកម្រិត Grand Slam ១៦ដង។ Novotna ក៏ធ្លាប់ជាម្ចាស់មេដាយអូឡាំពិក៣លើក និង ជាសមាជិក Fed Cup ឆ្នាំ១៩៨៨ របស់ប្រទេសឆេកូស្លូវ៉ាគី ផងដែរ៕ ដេវីត
