សារព័ត៌មាន នគរវត្ត តែងតែនាំមុខគេជានិច្ច
ដោយសារតែស្ថានភាពទំនាក់ទំនងល្អប្រសើររវាងកូរ៉េខាងជើងនិងសហគមន៍ អន្តរជាតិ ក្រោយជំនួបពិភាក្សា ជាមួយប្រធានាធិបតីដូណាល់ ត្រាំ ជាលើកទីពីរទោះបីមិនមានលទ្ធផលល្អក្តី តែទំនាក់ទំនងបុគ្គលជាមួយលោកត្រាំ ល្អប្រសើរជាងមុន។
នៅក្នុងពិធីប្រណាំងប្រកួតម៉ារ៉ាតុងចំនួនជនបរទេសចូលរួមនៅក្នុងពិធីរត់ប្រណាំងនៅកូរ៉េខាងជើង កើនឡើងដល់១ពាន់នាក់ ដោយសារតែទំនាក់ទំនង រវាងកូរ៉េខាងជើង និងអាមេរិក មានភាពល្អប្រសើរនឹងគ្នា ។
តាមសារព័ត៌មាន AFP បានផ្សាយថា នៅក្នុងព្រឹត្តិការណ៍ម៉ារ៉ាតុងជាប្រចាំឆ្នាំនា ឱកាសខួបកំណើតអតីតមេដឹកនាំគីម អុីលស៊ុង នាព្រឹកថ្ងៃទី៧ ខែមេសា។ នៅក្នុងព្រឹត្តិការណ៍ឆ្នាំនេះមានកីឡាករម៉ារ៉ាតុង មកពីក្រៅប្រទេសជាង១ពាន់នាក់ចូលរួម គឺកើនឡើង ជាងពាក់កណ្តាលដោយកាលពីឆ្នំាទៅ មានជនបរទេស៤៥០នាក់ចូលរួម ។
ជនបរទេសចូលរួមប្រកួតឆ្នាំនេះភាគច្រើនមកពីបណ្តាប្រទេសលោកខាងលិច ដោយសារតែស្ថានភាពទំនាក់ទំនងជាមួយអាមេរិកល្អប្រសើរជាងមុន។សកម្មភាពខាងលើរបស់កូរ៉េខាងជើង អាចនឹងទាក់ទាញអ្នកទេសចរបរទេសជាច្រើនមកកម្សាន្តនៅទីនេះ។
ពេលថ្មីៗនេះរដ្ឋមន្ត្រីការបរទេសអាមេរិកក៏បានប្រកាសផងដែរថា ជំនួបរវាងប្រធានាធិបតីដូណាល់ ត្រាំនិងគីមជុងអ៊ុន ជាលើកទី៣ នឹងធ្វើឡើងក្នុងពេលឆាប់នេះ ដើម្បីឈានដល់ការរំសាយអាវុធបរមាណូ ដោះដូរនូវសន្តិភាព ការអភិវឌ្ឍនៅកូរ៉េខាងជើង៕ ធី រីណា
