សារព័ត៌មាន នគរវត្ត តែងតែនាំមុខគេជានិច្ច
ប្រធានាធិបតីអាមេរិក ដូណាល់ ត្រាំ បាន អរគុណដល់នាយករដ្ឋមន្ត្រី និងថ្នាក់ដឹកនាំអ៊ីស្រាអែល ដែលបានសម្រេចដាក់ឈ្មោះ លោក នៅតំបន់ខ្ពស់រាបហ្គោឡែន ទៅជា Trump Heights វិញ ។
លោកត្រំា បានសរសេរនៅលើបណ្តាញសង្គម Twitter ថា«ខ្ញុំសូមអរគុណដល់នាយករដ្ឋមន្ត្រីអ៊ីស្រាអែល និងប្រទេសអីស្រាអែល ទាំងមូល ដែលបានផ្តល់កិត្តិយសយ៉ាងធំធេងនេះ» ។ លោកត្រាំ បានបញ្ជាក់ថា នេះជាពេលវេលាដ៏អស្ចារ្យ សម្រាប់ ខ្ពង់រាបហ្គោឡែន ។
កាលពីថ្ងៃទី១៦ ខែមិថុនា នាយករដ្ឋមន្ត្រីអ៊ីស្រាអែល លោក ណេតានយ៉ាហ៊ូបានដឹកនាំកិច្ចប្រជុំ ដើម្បីប្តូរឈ្មោះ តំបន់ខ្ពង់រាប ហ្គោឡែន ដែលអាមេរិកទើបតែប្រកាសទទួលស្គល់ថាជាទឹកដីរបស់អ៊ីស្រាអែល ដោយស្រប់ច្បាប់ ។ ពេលនេះអ៊ីស្រាអែលបានសម្រេចប្តូរឈ្មោះ តំបន់ខាងលើទៅជា ខ្ពង់រាបត្រាំវិញ ។ កាលពី៣០ឆ្នាំមុន ពេលអ៊ីស្រាអែលគ្រប់គ្រង់ តំបន់ខាងលើមានពលរដ្ឋរស់នៅតែ ១០នាក់ប៉ុណ្ណោះ ។
មានប្រសាសន៍នៅក្នុងពិធីដាក់ឈ្មោះថ្មី នាយករដ្ឋមន្ត្រីណេតានយ៉ាហ៊ូ បញ្ជាក់ថា ប្រធានាធិបតីត្រាំ ជា «មិត្តដ៏អស្ចារ្យ »របស់អ៊ីស្រាអែល ដោយអាមេរិក បញ្ជាក់ថាតំបន់ហ្គោឡែន (ខ្ពង់រាបត្រាំ)ជាសម្បត្តិយុទ្ធសាស្ត្រដ៏សំខាន់របស់អ៊ីស្រាអែល ។
នាយករដ្ឋមន្ត្រីអ៊ីស្រាអែល បានបញ្ជាក់ថា តំបន់«ខ្ពង់រាបត្រាំ »ជាផ្នែកមួយមិនអាចកាត់ផ្តាច់បានឡើយ ។ អគ្គរដ្ឋទូតអាមេរិកប្រចាំនៅអ៊ីស្រាអែល ក៏បានបញ្ជាក់ពីការណីខាងលើនៅក្នុងពិធី ប្តូរឈ្មោះថ្មីនោះដែរ ។
អ៊ីស្រាអែលដណ្តើមគ្រប់គ្រង់តំបន់ខ្ពង់រាប ហ្គោឡែន ក្រោយសង្គ្រាមជាមួយស៊ីរីនៅឆ្នាំ ១៩៦៧ ហើយដាក់បញ្ជូនតំបន់នោះស្ថិតនៅក្រោមការគ្រប់គ្រងរបស់អ៊ីស្រាអែល នៅឆ្នាំ១៩៨១ ។ សហគមន៍អន្តរជាតិពិសេស បណ្តាប្រទេស អារ៉ាប់ បានចាត់ទុកអ៊ីស្រាអែលគ្រប់គ្រងដោយខុសច្បាប់ ។
កាលពី៣០ឆ្នាំមុខ មានមនុស្សតែ១០នាក់រស់នៅតំបន់នោះ ប៉ុន្តែពេលនេះមានពលរដ្ឋ ប្រមាណ៥មឺននាក់រស់នៅ ដោយភាគច្រើនជា ជនជាតិជ្វីប និងជនជាតិ Druze ដើមកំណើតអារ៉ាប់៕
