សារព័ត៌មាន នគរវត្ត តែងតែនាំមុខគេជានិច្ច
ការជួញដូរគ្រឿងញៀនជាទ្រង់ទ្រាយធំ បានកើនឡើងនៅជុំវិញពិភពលោក ទាំងតំបន់អាស៊ាន រហូតដល់ អឺរ៉ុប អាមេរិក ។ កន្លងមក កម្លាំងប្រឆាំងគ្រឿងញៀន ថៃ វៀតណាម ចាប់បានគ្រឿងញៀនតម្លៃរាប់សិបលានដុល្លារ ។
នៅពេលនេះដែរ អាមេរិកចាប់បានគ្រឿងញៀនមានតម្លៃរហូតដល់ទៅ១៦,៥តោន មានតម្លៃជាង១លានដុល្លារ ។ នេះគឺជាការបំបែកសកម្មភាពជួញដូរគ្រឿងញៀនធំបំផុតមិនធ្លាប់មាននៅក្នុងទឹកដីអាមេរិក ។ កម្លាំងប្រឆាំងគ្រឿងញៀនអាមេរិក បានឆ្មក់ចាប់នាវាមួយគ្រឿង នៅទីក្រុង Philidelphia រដ្ឋ Pennsylvania រកឃើញគ្រឿងញៀន ។
មន្ត្រីប៉ូលិសទីក្រុង Philadelphia បានបញ្ជាក់ថា កូកាអ៊ីនដែលសមត្ថកិច្ចជំនាញអាមេរិក ចាប់បាននោះ មានតម្លៃរហូតដល់ទៅជាង១ពាន់លានដុល្លារ ។ នេះក៏ជាករណីជួញដូរគ្រឿងញៀនដ៏ធំបំផុត មិនធ្លាប់មាន នៅក្នុងប្រវត្តិសាស្ត្ររបស់អាមេរិក ។
កូកាអ៊ីន ត្រូវបានប្រើប្រាស់ដោយលួចលាក់នៅទូទាំងទឹកដីអាមេរិក ហើយក្រុមជួញដូរគ្រឿងញៀនជុំវិញពិភពលោកបានព្យាយាម នាំចូលទៅកាន់ទឹកដីអាមេរិក ដោយនៅទីនោះមានតម្លៃថ្លៃជាងគេ ។
តាមតួលេខពីក្រសួងការបរទេសអាមេរិក បានឲ្យដឹងថាចាប់តាំងពីឆ្នាំ២០១៧ មក ចំនួនអ្នកប្រើប្រាស់គ្រឿងញៀននៅអាមេរិកកើនឡើងខ្ពស់ មិនធ្លាប់មានក្នុងរយៈពេល១០ឆ្នាំកន្លងមក ៕
