សារព័ត៌មាន នគរវត្ត តែងតែនាំមុខគេជានិច្ច
ជំងឺរលាកសួតថ្មីបង្កឡើងដោយវីរុសកូរ៉ូណា (2019-nCoV) បានសម្លាប់មនុស្សកើនឡើង៣៦២នាក់ និងឆ្លង១៧ ៣៨៦នាក់ គិតមកត្រឹមថ្ងៃទី៣ ខែកុម្ភៈ ឆ្នាំ២០២០ ។ ថ្នាំសង្កូវបង្ការព្យាបាល នៅមិនទាន់រកឃើញនៅឡើយទេ ។
អ្នកជំងឺកូរ៉ូណា២នាក់ឆ្លងនៅក្នុងប្រទេសហ្វីលីពីន ប៉ុន្តែកាលពីថ្ងៃទី២ ខែកុម្ភៈ អ្នកជំងឺម្នាក់បានស្លាប់ហើយ ក្លាយជាប្រទេសដំបូងគេក្រៅពីប្រទេសចិនដែលស្លាប់ដោយសារជំងឺកូរ៉ូណា ។ ប្រទេសប្រហែល២៧ផ្សេងទៀត នៅជុំវិញពិភពលោកត្រូវបានគេរាយការណ៍ថា បានឆ្លងជំងឺនេះផងដែរ ។
គួរបញ្ជាក់ថា ជំងឺកូរ៉ូណានេះបានផ្ទុះឡើងនៅថ្ងៃទី៨ ខែធ្នូ ឆ្នាំ២០១៩ នៅក្នុងទីក្រុងវូហាន ស្ថិតនៅផ្សារលក់គ្រឿងសមុទ្រមួយកន្លែង ហើយមានលក់នូវសាច់សត្វព្រៃល្មើសច្បាប់ផងនោះ ។ ជំងឺនេះឆ្លងរាលដាលសម្លាប់មនុស្សច្រើនជាងគេបំផុតនៅក្នុងប្រទេសចិន គឺមានរហូតដល់១៧ ២០៥នាក់ និងស្លាប់៣៦១នាក់ ៕
