សារព័ត៌មាន នគរវត្ត តែងតែនាំមុខគេជានិច្ច
ជំងឺរលាកសួតថ្មីបង្កឡើងដោយវីរុសកូរ៉ូណា (2019-nCoV) បានបន្តឆ្លង និងសម្លាប់មនុស្សគ្រាប់នាទី មកដល់ថ្ងៃទី៥ ខែកុម្ភៈ ឆ្នាំ២០២០ សម្លាប់មនុស្សកើន៤៩២នាក់ និង ២៤ ៥៥២នាក់ ឆ្លងជំងឺនេះ ព្រមទាំងឆ្លងរាលដាលដល់ប្រទេសចំនួន២៨នៅក្នុងតំបន់ និងជុំវិញពិភពលោក ។ ជំងឺ 2019-nCoV នៅមិនទាន់រកឃើញថ្នាំព្យាបាល ឬវាក់សាំងបង្ការនៅឡើយទេ ។
ប្រភព wikipedia បានផ្សាយថា ជំងឺនេះផ្ទុះឡើងដំបូងគេនៅថ្ងៃទី១ ខែធ្នូ ឆ្នាំ២០១៩ នៅទីក្រុងវូហាន ខេត្ត ហូប៉ី ភាគកណ្តាលរបស់ប្រទេសចិន នៅក្នុងផ្សារលក់គ្រឿងសមុទ្រមួយ ដែលនៅទីនោះមានលក់សាច់សត្វព្រៃល្មើសច្បាប់ផង ។
នៅទីក្រុងទាំង១៦ ក្នុងខេត្ត ហ៊ូប៉ី (Hubei) មានមនុស្សឆ្លងជំងឺកូរ៉ូណានេះសរុប ១៣ ៥២២នាក់ និងស្លាប់ ៤១៤នាក់ ចំណែកអ្នកជំងឺ ៣៩៧នាក់បានធូរស្បើយចាកចេញពីមន្ទីរវិញផងដែរ ។
ប្រភពបន្តថា នៅទូទាំងប្រទេសចិន សរុបអ្នកឆ្លងជំងឺទាំងអស់ ២៤ ៣២៤នាក់ និងស្លាប់៤៩០នាក់ ។
ប្រទេសជប៉ុន ជាប្រទេសឆ្លងជំងឺនេះច្រើនគឺមានរហូតដល់៣៣ករណី, ប្រទេសថៃឆ្លង២៥ករណី, សិង្ហបុរី២៤ករណី, ដែនដីហុងកុងឆ្លង១៨ករណី ក្នុងនោះ១ករណីបានស្លាប់, កូរ៉េខាងត្បូង១៦ករណី, អូស្ត្រាលី១៣ករណី, អាល្លឺម៉ង់១២ករណី, តៃវ៉ាន់១១ករណី, អាមេរិក១១ករណី, ម៉ាកាវ១០ករណី, ម៉ាឡេស៊ី១០ករណី, វៀតណាម១០ករណី, បារាំង៦ករណី, កាណាដា ៥ករណី, អារ៉ាប៊ីសាអ៊ូឌីត៥ករណី, ឥណ្ឌា៣ករណី, អ៊ីតាលី២ករណី, ហ្វីលីពីន២ករណី ក្នុងនោះស្លាប់១ករណី, រុស្ស៊ី ២ករណី, អង់គ្លេស២ករណី, ប៊ែលហ្សិក១ករណី, កម្ពុជា ១ករណី, ហ្វាំងឡង់១ករណី, នេប៉ាល់១ករណី, អេស្ប៉ាញ១ករណី ស្រីលង្កា១ករណី និងស៊ុយអែត ១ករណី ។
សរុបជំងឺរលាកសួតថ្មីបង្កឡើងដោយវីរុសកូរ៉ូណា (2019-nCoV) មកត្រឹមថ្ងៃទី៥ ខែកុម្ភៈ ឆ្នាំ២០២០ ឆ្លងសរុប ២៤ ៥៥១នាក់ និងស្លាប់មនុស្សអស់ ៤៩២នាក់ និងឆ្លងដល់ប្រទេសចំនួន២៨ជុំវិញពិភពលោក ៕
