សារព័ត៌មាន នគរវត្ត តែងតែនាំមុខគេជានិច្ច
លោកត្រាំបានព្រមានថានឹងឈប់ សហការក្នុងវិស័យចារកិច្ច ចែករំលែកព័ត៌មានចារកម្មជាមួយ ប្រទេសអង់គ្លេស ក្រោយពេល រដ្ឋាភិបាលទីក្រុងឡុងដុងអនុញ្ញាតឲ្យក្រុមហ៊ុនបច្ចេកវិទ្យារបស់ចិន បង្កើនបណ្តាញ 5G នៅក្នុងប្រទេសអង់គ្លេស ។ មិនតែប៉ុណ្ណោះប្រធានាធិបតីដូណាល់ ត្រាំ បានហៅអង់គ្លេស ថាជា «ជនក្បត់»ទៀតផង ។
លោកដូណាល់ ត្រាំ បង្ហាញការខឹងសម្បាយ៉ាងខ្លាំងក្រោយពេល នាយករដ្ឋមន្ត្រីអង់គ្លេស សម្រេចឲ្យក្រុមហ៊ុន បច្ចេកវិទ្យារបស់ចិន Huawei ចូលរួមបង្កើតបណ្តាញសេវា អត់ខ្សែ 5 Gនៅក្នុងប្រទេសនេះ ។ ភ្លាមៗនោះ ប្រធានាធិបតីដូណាលត្រាំ ចាត់ទុកអង់គ្លេសថាជាជនក្បត់ ដោយមិនខ្វល់ពីការព្រមានទាំងឡាយរបស់អាមេរិក ។
មិនតែប៉ុណ្ណោះនាយករដ្ឋមន្ត្រីBoris Johnson ក៏បានទៅចូលរយមហើយថ្លែងសុន្ទរកថា និងបង្ហាញឧបករណ៍ 5 G របស់អង់គ្លេស ។ សកម្មភាពនេះត្រូវបានលោកត្រាំហៅថាជាសកម្មភាពរបស់«ជនក្បត់» ។ សារព័ត៌មានអង់គ្លេសបានបញ្ជាក់ថា សំដីរបស់ប្រធានាធិបតីដូណាល់ ត្រាំ និយាយថាអង់គ្លេសជាជនក្បត់ គឺនិយាយទៅកាន់មន្ត្រីនៅសេតវិមាន មិនមែននិយាយដោយផ្ទាល់ទៅកាន់នាយករដ្ឋមន្ត្រី Johnson នោះឡើយ ។
នាយករដ្ឋមន្ត្រីអង់គ្លេស រងសម្ពាធយ៉ាងខ្លាំងពី អាមេរិក ឲ្យបោះបង់ ក្រុមហ៊ុនចិន ។ ប៉ុន្តែអង់គ្លេសសម្រេចដើរតាមផ្លូវខ្លួនឯង ធ្វើឲ្យអាមេរិកខឹងយ៉ាងខ្លំាង ។ នាយករដ្ឋមន្ត្រីអង់គ្លេស លោក Boris Johnson បានសម្រេចលុបចោលដំណើរទស្សនកិច្ចទៅកាន់អាមេរិក ក្រោយពេល«ឈ្លោះគ្នា»តាមទូរទស័ព្ទ ។ មន្ត្រីដែលមានវត្តមាននៅក្នុងពេល លោកត្រាំ និង Johnson ពិភាក្សាតាមទូរស័ព្ទ បង្ហើបឲ្យដឹងថា មេដឹកនាំប្រទេសទាំងពីរ ប្រើសំដីធ្ងន់ៗដាក់គ្នា ធ្វើឲ្យនាយករដ្ឋមន្ត្រីអង់គ្លេសខឹងយ៉ាងខ្លាំង ។ លោកត្រាំបានបោកទូរស័ព្ទមុនពេលការសន្ទនា«ឈ្លោះគ្នា»បញ្ចប់ ។
ក្រុមអ្នកឯកទេសវិភាគបានលើកឡើងថាសកម្មភាពខាងលើ របស់អាមេរិក និងអង់គ្លេស អាចប៉ះពាល់យ៉ាងខ្លាំងដល់វិស័យសេដ្ឋកិច្ចពាណិជ្ជកម្មប្រទេសទាំងពីរ ក្រោយពេលអង់គ្លេសបានចាកចេញពីអឺរ៉ុប ។ ទោះបីយ៉ាងណាក្តី អង់គ្លេស បានប្រកាសគោលជំហ របស់ខ្លួនក្នុងការសម្រេចនយោបាយអ្វីមួយ ៕
