សារព័ត៌មាន នគរវត្ត តែងតែនាំមុខគេជានិច្ច
បើទោះបីអាមេរិកនិងអាហ្វហ្គានីស្ថានបានចុះហត្ថលេខាលើកិច្ចព្រមព្រៀងសន្តិភាព ជាមួយក្រុមតាលីបង់ ក្តី ប៉ុន្តែការវាយប្រហារនៅក្នុងប្រទេសនោះ នៅតែបន្តកើនឡើង ប៉ុន្តែមិនមែនជាស្នាដៃក្រុមតាលីបង់ឡើង គឺជាក្រុមភេរវកម្ម IS ទៅវិញ។
ខ្មាន់កាំភ្លើងក្រុមភេរវកម្មរដ្ឋអីស្លាម IS បានបើកការវាយប្រហារនៅក្នុងពិធី គោរពវិញ្ញណក្ខន្ធ ក្នុងទីក្រុង កាប៊ុល សម្លាប់មនុស្ស ៣២នាក់ និង៨១នាក់រងរបួស ។ ការវាយប្រហារកើតឡើងក្រោយពេលដែលអាមេរិកនិងអាហ្វហ្គានីស្ថានចុះហត្ថលេខាលើកិច្ចព្រមព្រៀងសន្តិភាពជាមួយក្រុមតាលីបង់។
ការវាយប្រហារកើតឡើង នៅក្នុងពិធីគោរពវិញ្ញណក្ខន្ធ ខួប២៥ឆ្នាំថ្ងៃមរណៈភាពរបស់លោក Abdul Ali Mazari មេដឹកនាំក្រុមជនជាតិ ភាគតិច Hazara ដែលត្រូវក្រុមតាលីបង់ចាប់ដាក់គុក។ នៅក្នុងពិធីនោះមានការចូលរួមពីមន្ត្រីជាន់ខ្ពស់ក្នុងជួរដ្ឋាភិបាលអាហ្វហ្គានីស្ថាន ជាច្រើនរូប។ ប៉ុន្តែជាភពសំណាងមិនមានមន្ត្រីណាមួយរងរបួសឬស្លាប់នៅក្នុងហេតុការវាយប្រហារនោះឡើយ។
អ្នកនាំពាក្យក្រសួងមហាផ្ទៃអាហ្វហ្គានីស្ថាន លោក Nasrat Rahimi បានបញ្ជាក់ថា ខ្មាន់កាំភ្លើងមានគ្នា៣នាក់ចូលរួមការវាយប្រហារ ហើយខ្មាន់កាំភ្លើងទាំង៣ត្រូវបានសម្លាប់ ។
ប្រធានាធិបតីអាហ្វហ្គានិស្ថាន លោក Ashraf Ghani បានបង្ហោះសារនៅលើបណ្តាញសង្គម Twitter របស់លោកថា «ការវាយប្រហារជាបទឧក្រិដ្ឋប្រឆាំងមនុស្សជាតិ ប្រឆាំងនិងការឯកភាពជាតិរបស់អាហ្វហ្គានិស្ថាន។ សហរដ្ឋអាមេរិក សហគមន៍អឺរ៉ុប និងអង្គការណាតូ បានថ្កោលទោសយ៉ាងខ្លាំងដល់សកម្មភាពបាញ់ប្រហារខាងលើ៕ ម៉ែវសាធី
