សន្និបាត បូកសរុបការងារប្រចាំឆ្នាំ របស់ក្រសួងប្រៃសណីយ៍ និងទូរគមនាគមន៍ ប្រកាសលើកពេល ដើម្បីទប់ស្កាត់ការឆ្លង COVID-19

ភ្នំពេញ៖ បើតាមសេចក្តីជូនដំណឹង ដែលអង្គភាព នគរដ្រេហ្គន ទទួលបាននៅរសៀលថ្ងៃទី១៧ ខែមីនានេះ គឺក្រសួងប្រៃសណីយ៍ និងទូរគមនាគមន៍ បានចេញប្រកាសលើកពេល សន្និបាតបូកសរុបលទ្ធផលការងារ ឆ្នាំ២០១៩ និងទិសដៅការងារ ឆ្នាំ២០២០ ដើម្បីទប់ស្កាត់ការឆ្លង COVID-19។
សេចក្តីជូនដំណឹងក្រសួងប្រៃសណីយ៍ និងទូរគមនាគមន៍បានបញ្ជាក់ថា៖ សន្និបាតបូកសរុបលទ្ធផលការងារ ឆ្នាំ២០១៩ និងទិសដៅការងារ ឆ្នាំ២០២០ គ្រោងធ្វើនៅថ្ងៃទី០៧-០៨ ខែមីនា ឆ្នាំ២០២០ ត្រូវលើកពេលរហូតដល់មានការជូនដំណឹងថ្មី ដើម្បីទប់ស្កាត់ការឆ្លង COVID-19៕ ដោយ៖សុខខេមរា