សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ថានភាពបច្ចុប្បន្ន នៅទឹកដីអាមេរិក មានការរាលដាលជំងឺវីរុសកូវីដ១៩ កាន់តែខ្លាំង ហើយរដ្ឋាភិបាលកម្ពុជាក៏បានគិតគូពីសុខភាពចំពោះប្រជាពលរដ្ឋខ្មែរ ទើបស្ថានទូតកម្ពុជាប្រចាំសហរដ្ឋអាមេរិក ប្រាប់សិស្ស-និស្សិតកំពុងសិក្សានៅអាមេរិក ប្រុងប្រយ័ត្នខ្ពស់ និងការពារខ្លួនឲ្យបានហ្មត់ចត់ ចំពោះជំងឺ Covid-19
ក្នុងនោះស្ថានទូតកម្ពុជាប្រចាំសហរដ្ឋអាមេរិក បានចេញសេចក្តីជូនដំណឹងថ្មីមួយ ប្រាប់ដល់សិស្ស-និស្សិតកម្ពុជា ដែលកំពុងសិក្សានៅសហរដ្ឋអាមេរិក សូមប្រុងប្រយ័ត្នខ្ពស់ និងការពារខ្លួនឲ្យបានហ្មត់ចត់ ចំពោះការរីករាលដាលនៃជំងឺ Covid-19 ដោយត្រូវខិតខំជៀសវាងការជួបជុំគ្នា និងការចេញទៅខាងក្រៅ។
ក្នុងករណីមិនស្រួលខ្លួន ហើយសង្ស័យថាឆ្លងជំងឺ សូមទាក់ទងទៅអ្នកផ្តល់សេវាសុខភាព និងមន្ទីរពេទ្យ ដើម្បីទទួលការណែនាំ ហើយផ្តល់ព័ត៌មានស្ថានទូត។
ជាមួយគ្នានេះចំពោះសិស្ស និស្សិតដែលកំពុងស្វែងរកសំបុត្រយន្តហោះត្រឡប់មកកម្ពុជាវិញ ស្ថានទូតបានទាក់ទងក្រុមហ៊ុនលក់សំបុត្រយន្តហោះ Phnom Penh Travel នៅ New York ដោយក្រុមហ៊ុនបានយល់ព្រមធ្វើការសម្របសំរួល រកជើងហោះហើរ សម្រាប់ការធ្វើដំណើររបស់សិស្ស និស្សិតកម្ពុជា បានត្រឡប់ទៅមាតុប្រទេសវិញ។
នៅអាមេរិក មានការរាលដាលច្រើន ឈានដល់ថ្នាក់ដឹកនាំ ប៉ុន្តែប្រធានាធិបតី អនុប្រធានាធិបតី ធ្វើតេស្តអវិជ្ជមាន កូវីដ១៩ ។
ខាងក្រោមនេះជាសេចក្តីជូនដំណឹងទាំងស្រុងរបស់ស្ថានទូតកម្ពុជាប្រចាំសហរដ្ឋអាមេរិក ៖
