សមត្ថកិច្ចនគរបាលខណ្ឌទួលគោក ឃាត់ខ្លួនជនសង្ស័យចំនួន២នាក់ករណីឆក់ទូរស័ព្ទ

នៅថ្ងៃទី២៤ ខែមីនា ឆ្នាំ២០២០ វេលាម៉ោង១២និង៣០នាទីថ្ងៃត្រង់ កម្លាំងនគរបាលប៉ុស្តិ៍រដ្ឋបាលទឹកល្អក់ទី២ នៃអធិការដ្ឋាននគរបាលខណ្ឌទួលគោក ឃាត់ខ្លួនជនសង្ស័យចំនួន២នាក់ នៅចំណុចមុខផ្សារCity mall សង្កាត់វាលវង់ ខណ្ឌ៧មករា ពីបទលួចមានស្ថានទម្ងន់ទោស (ឆក់ទូរស័ព្ទដៃ) ប្រព្រឹត្តនៅចំណុចមុខផ្ទះលេខ១៨៦ ផ្លូវ១៥៦ ក្រុមទី២៥ ភូមិ០៩  សង្កាត់ទឹកល្អក់ទី២ ខណ្ឌទួលគោក  រាជធានីភ្នំពេញ ។

សមត្ថកិច្ចនគរបាលខណ្ឌទួលគោក បានឲ្យដឹងថាជនសង្ស័យ១.ឈ្មោះ ខេត វណ្ណឌី អាយុ២៦ឆ្នាំ  ជនជាតិខ្មែរ មុខរបរ បិទតែមម៉ូតូ ទីលំនៅផ្ទះជួលមិនចាំលេខ សង្កាត់ផ្សារដើមគរ  ខណ្ឌទួលគោក រាជធានីភ្នំពេញ ។
២. ឈ្មោះ ម៉ៅ មករា អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅសង្កាត់ផ្សារដើមគរ ខណ្ឌទួលគោក ។ ចំណែកជនរងគ្រោះមានឈ្មោះ អ៊ុត ចាន់ធឿន​​ អាយុ​៣៥ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនឯកជន មានទីលំនៅផ្ទះជួលមិនចាំលេខ ផ្លូវលំ  ភូមិឫស្សី សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ​ ។
វត្ថុតាងចាប់យកទូរស័ព្ទដៃចំនួន១គ្រឿង ម៉ាកVivo Y15
ពណ៍ខៀវ  (របស់ជនរងគ្រោះ ) ដោយបានការឯកភាពពី លោក ម៉ុង ដារ៉ា ព្រះរាជអាជ្ញារងអមសាលាដំបូងរាជធានីភ្នំពេញ បានប្រគល់ឱ្យទៅជនរងគ្រោះវិញតាមការស្នើសុំ ។
– ម៉ូតូចំនួន១គ្រឿង ម៉ាកហុងដា  សេ១២៥
សេ៊រីឆ្នាំ២០១៩  ពណ៌ខ្មៅ  ពាក់ស្លាកលេខ ភ្នំពេញ1HH-5376 (ជារបស់ជនសង្ស័យជិះធ្វើសកម្មភាព)។

លទ្ធផលពិនិត្យទឹកនោមជនសង្ស័យស្វែងរកសារធាតុញៀនទាំង ០២នាក់វិជ្ជមាន(មានសារធាតុញៀនទាំងពីរនាក់)។
បច្ចុប្បន្នជនសង្ស័យទាំង២កំពុងឃាត់ខ្លួនបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ  ចាត់ការបន្តតាមនីតិវិធី ៕ជ្រោយពេជ្រ