សារព័ត៌មាន នគរវត្ត តែងតែនាំមុខគេជានិច្ច
ចាស់ៗធ្លាប់និយាយថា «សេដ្ឋីខ្វះអំបែង» «សំពៅពឹងសម្បាន»…នៅពេលនេះប្រទេសមហាសេដ្ឋីលំដាប់ទីមួយលើពិភបលោក គឺអាមេរិក ក៏បានទៅស្នើដល់កូរ៉េខាងត្បូង ផ្តល់ជំនួយឧបករណ៍សម្រាប់ប្រឆាំង និងកូវីដ-១៩ ខណៈការឆ្លងរាលដាលនៅអាមេរិកកាន់តែខ្លាំងឡើង។ ប្រធានាធិបតីអាមេរិក ដូណាល់ ត្រាំ បានជួបពិភាក្សាតាមទូរស័ព្ទ ជាមួយសមភាគី កូរ៉េខាងត្បូង ម៉ូន ជេអ៊ីន ដោយលោកត្រាំបានស្នើផ្តល់ជំនួយសម្ភារសុខាភិបាលជួយដល់អាមេរិកទប់ស្កាត់កូវីដ-១៩។ សារព័ត៌មានយ៉ុនហាប់របស់កូរ៉េខាងត្បូង បានផ្សាយថា នៅក្នុងជំនួបពិភាក្សាតាមទូរស័ព្ទ រយៈពេល២៣នាទី តាមសំណើររបស់ប្រធានាធិបតីអាមេរិក ដូណាល់ ត្រាំ។ នេះជាការសន្ទនាដំបូងបង្អស់ របស់មេដឹកនាំអាមេរិក និងកូរ៉េខាងត្បូង ចាប់តាំងពីការផ្ទុះកូវីដ-១៩ ។ មកទល់ពេលនេះគេមិនទាន់ដឹងថា អាមេរិក បានស្នើជំនួយអ្វីពីកូរ៉េខាងត្បូងនោះឡើយ។ ជាមួយគ្នានោះដែរ ប្រធានាធិបតីកូរ៉េខាងត្បូង បានឆ្លើយតបភ្លាមៗ ទៅកាន់លោកត្រាំថា សំណើរជំនួយទាំងនោះលោកមិនអាច សម្រេចបានឡើយ គឺត្រូវការឯកភាព ពីនាយកដ្ឋានគ្រប់គ្រងឱសថ និងបរិក្ខាពេទ្យ FDA ។ ជាមួយគ្នានោះដែរ លោកត្រាំ បានប្រកាសផងដែរថា លោកនឹងជំរុញឲ្យកូរ៉េខាងត្បូង សម្រេចឲ្យបានឆប់បំផុតក្នុងបញ្ហានេះ។ កូរ៉េខាងត្បូង ជាប្រទេសគំរូមួយក្នុងចំណោមប្រទេសដែលទប់ស្កាត់ការឆ្លងរាលកូវីដ-១៩ មានដាលមានប្រសិទ្ធភាពបំផុត។ កូរ៉េខាងត្បូងក៏ជាប្រទេសដែលនាំចេញសម្ភារដើម្បីធ្វើតេស្ត រកវីរុសកូវីដ-១៩ ច្រើនជាងគេបំផុតលើពិភពលោក។ បច្ចុប្បន្នអាមេរិក កំពុងតែខិតខំទប់ស្កាត់ ការឆ្លងរាលដាលនៃ កូវីដ-១៩ ដោយមានអ្នកឆ្លងកាន់តែច្រើនឡើង ពីមួយថ្ងៃទៅមួយថ្ងៃ ។ អាមេរិក មានករណីឆ្លងជាង៥៤ពាន់នាក់ហើយ ក្លាយជាប្រទេសឈរលំដាប់ទី៣ លើពិភពលោក។ ក្រុមអ្នកឯកទេសវិភាគបានលើកឡើងថា ចឹងតើបានជា អ៊ីរ៉ង់ កូរ៉េខាងត្បូង ចិន មិនទទួលជំនួយពីអាមេរិក ដោយដឹងច្បាស់ថា អាមេរិក មិនបានជួយប្រឆាំងកូវីដ-១៩ដោយស្មោះនោះឡើយ។ កន្លងមកមេដឹកនាំអ៊ីរ៉ង់ ធ្លាប់បានលើកឡើងថា បើអាមេរិក មកជួយនោះពលរដ្ឋអីរ៉ង់នឹងស្លាប់កាន់តែច្រើន៕
