សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្ត្រីម្នាក់បានស្លាប់ក្រោយពេលបញ្ជូនមកកាន់មន្ទីរពេទ្យរុស្ស៊ី ខណះជិះម៉ូតូដេញតាមជនសង្ស័យដែលឆក់ខ្សែ ក បណ្តាលឲ្យដួលស្លាប់កាលពីវេលាម៉ោង៥ និង៣០នាទីព្រឹកថ្ងៃទី៩ ខែមេសា ឆ្នាំ២០២០ ស្ថិតនៅចំនុចផ្លូវ២៧១ នៅលើស្ពានអាកាសស្ទឹងមានជ័យទី១ ខណ្ឌមានជ័យ រាជធានីភ្នំពេញ។
សពស្ត្រីរងគ្រោះខាងលើមានឈ្មោះ ហុង សុខចេង អាយុ៣៥ឆ្នាំ មុខរបរលក់ដូរ ស្នាក់នៅសង្កាត់ស្ទឹងមានជ័យទី១ ខណ្ឌមានជ័យ ។
តាមប្រភពព័ត៍មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញស្ត្រីរងគ្រោះខាងលើនេះបានជិះម៉ូតូមួយគ្រឿងម៉ាកហុងដាMoone ពណ៍ខ្មៅពាក់ស្លាកលេខភ្នំពេញ1HJ 6984 ចេញពីចំនុចខាងក្រោយពេទ្យរុស្ស៊ីនៅផ្លូវ៤៣០សង្កាត់ទំនប់ទឹកខណ្ឌបឹងកេងកង ស្របពេលនោះក៏មានជនសង្ស័យមិនចាំអត្តសញ្ញាណបានធ្វើសកម្មភាពឆក់យកខ្សែកនារីរងគ្រោះហើយក៏ព្យាយាមជិះម៉ូតូរត់គេចខ្លួនភ្លាមៗនោះស្ត្រីរងគ្រោះនិងក្រុមគ្រួសារបាននាំគ្នាជិះម៉ូតូដេញជនសង្ស័យតាំងពីចំនុចផ្លូវ៤៣០ខាងក្រោយពេទ្យរុស្សុីរហូតដល់លើស្ពានអាកាសស្ទឹងមានជ័យស្រាប់មានបក្ខពួកជនសង្ស័យជិះម៉ូតូតាមពីក្រោយស្ត្រីរងគ្រោះរួចធាក់ម៉ូតូជនរងគ្រោះដួលបោកក្បាលត្រូវបានក្រុមគ្រួសារដឹកស្ត្រីរងគ្រោះទៅកាន់មន្ទីរពេទ្យរុស្ស៊ីដើម្បីធ្វើការសង្រ្គោះ តែជាអកុសលស្ត្រីរងគ្រោះខាងលើបានស្លាប់បាត់បង់ជិវិតដោយសាររបួសធ្ងន់ធ្ងរខ្លាំងពេក។
សពស្ត្រីខាងលើត្រូវបានប្រគល់ទៅឲ្យក្រុមគ្រួសារសាច់ញាតិដឹកយកទៅធ្វើបុណ្យតាមប្រពៃណី។
ក្រោយពេលកើតហេតុសមត្ថកិច្ចខណ្ឌបឹងកេងកងនិងសមត្ថកិច្ចខណ្ឌមានជ័យ បានចុះទៅដល់ហេីយរុញដាក់គ្នាទៅវិញទៅមកដោយមិនចង់ទទួលខុសត្រូវរៀងៗខ្លួន ៕ដោយ ៖ ភារ៉ា ដង្កោ
