អាណោចអធម៌ម្លេះ​ !! បុរសម្នាក់ត្រូវថយន្តមិនស្គាល់ម៉ាក​បេីកបុកស្លាប់លេីផ្លូវជាតិលេខ២​ រួចបេីកគេចខ្លួនបាត់

 ភ្នំពេញ​ ៖​ បុរសម្នាក់ជិះម៉ូតូត្រឡប់មកផ្ទះ​ ត្រូវរថយន្តមិនស្គាល់ម៉ាកបុកពេញទំហឹង​ បណ្ដាលឲ្យស្លាប់យ៉ាងអាណោចអធម៌​ ត្រង់ចំណុចលេីផ្លូវជាតិលេខ២​ ក្នុងសង្កាត់ព្រែកកំពឹស​ ខណ្ឌដង្កោ​ ដោយបង្កការភ្ញាក់ផ្អេីលដល់អ្នកដំណេីរនិងអ្នកភូមិ​ កាលពីវេលាម៉ោង១១​យប់​ ថ្ងៃទី៩​ ខែមេសា​ ឆ្នាំ​២០២០​ ។

 សពជនរងគ្រោះមានឈ្មោះ​ ផេង​ វុត្ថា​ ភេទប្រុស​ អាយុ២៧ឆ្នាំ​ មុខរបបកម្មកររោងចក្រ​ ស្នាក់នៅភូមិស្រីស្នំ​ សង្កាត់ព្រែកកំពឹស​ ខណ្ឌដង្កោ​ ដោយបានជិះម៉ូតូម៉ាក​ Suzuki Let’s ពណ៌សលាយខៀវ​ ពាក់ស្លាកលេខ​ ភ្នំពេញ​ 1GQ-7495 ។

​   តាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកេីតហេតុបានឲ្យដឹងថា​ នៅពេលកេីតហេតុគេក្រឡែកឃេីញរថយន្តមួយគ្រឿងមិនចាំម៉ាក​ បានធ្វេីដំណេីរតាមបណ្ដោយផ្លូវជាតិលេខ២​ ទិសដៅពីកេីតទៅលិចក្នុងល្បឿនលឿន​ ហេីយក៏ជ្រុលចង្កូតទៅបុកម៉ូតូជនរងគ្រោះខាងលេីដែលធ្វេីដំណេីរបញ្ច្រាស់គ្នា​ពេញទំហឹង​ បណ្ដាលឲ្យជនរងគ្រោះខ្ទៀតចេញពីម៉ូតូជិត៥០ម៉ែត្រ​ បោកក្បាលនិងថ្នល់​ និងបែកចង្កា​ ស្លាប់ភ្លាមមួយរំពេច​ ។ រីឯរថយន្តបង្កបានបន្ថែមល្បឿនបេីកគេចខ្លូនបាត់ស្រមោល​ ។

ក្រោយកេីតហេតុ​ សមត្ថកិច្ចមូលដ្ឋានបានចុះមកដល់​ ហេីយស្រាវជ្រាវរកសាច់ញាតិ​ជនរងគ្រោះ​និងទាក់ទងទៅមន្ត្រីជំនាញចរាចរណ៍ខណ្ឌដង្កោ​ធ្វេីការវាស់វែងយកម៉ូតូជនរងគ្រោះទៅរក្សាទុក​  និងធ្វេីកំណត់ហេតុ​ប្រគល់សពជនរងគ្រោះឲ្យទៅក្រុមគ្រួសារយកទៅធ្វេីបុណ្យតាមប្រពៃណី​  ៕ដោយ៖​ ភារ៉ា​ ដង្កោ