សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ មុននេះបន្តិច នាម៉ោង៨និង១០នាទី យប់ថ្ងៃទី១៥ ខែមេសា ឆ្នាំ២០២០ ជនដៃដល់ជាមន្រ្តីនគរបាលប៉ុស្តិ៍បាក់ខែង បានបាញ់សម្លាប់មន្ត្រីនគរបាលប៉ុស្តិ៍កោះឧកញ៉ាតី ដោយសារភ្លើងប្រចណ្ឌ។
ជនដៃដល់ជាបងថ្លៃជនរងគ្រោះ ឈ្មោះ តែម រ៉ានុន ជាមន្ត្រីនគរបាលប៉ុស្តិ៍បាក់ខែង ខណ្ឌជ្រោយចង្វារ រាជធានីភ្នំពេញ។ ចំណែកជនរងគ្រោះជាប្អូនថ្លៃ ហើយជាមន្ត្រីនគរបាលប៉ុស្តិ៍កោះឧកញ៉ាតី ស្រុក ខ្សាច់កណ្ដាល ខេត្ដកណ្ដាល។
ពេលនេះសមត្ថកិច្ចកំពុងចុះទៅកាន់ទីតាំងកន្លែងកើតហេតុក្រោមការដឹកនាំផ្ទាល់ដោយលោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាល កំពុងឡើងលើសាឡាងនៅម៉ោង៩និង០០នាទីនេះ៕
ដោយ៖ ស្អាងជ័យ
