បុរសជនជាតិចិនម្នាក់សង្ស័យមានវិបត្តិក្នុងចិត្តឡើងលើបង្គោល ប៉ានណូបង្កឲ្យមានការភ្ញាក់ផ្អើលទាំងយប់

ភ្នំពេញ៖ បុរសជនជាតិចិនម្នាក់បានរត់ឡើងទៅលើបង្គោលប៉ានណូផ្សាយពាណិជ្ជកម្មបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចចុះមកដល់ កាលពីវេលាម៉ោង ១១ យប់ថ្ងៃទី ១៦ ខែមេសាឆ្នាំ ២០២០ ស្ថិតនៅតាមបណ្តោយផ្លូវសហព័ន្ធរុស្ស៊ី ខាងកើតអាកាសយានដ្ឋានអន្តរជាតិភ្នំពេញក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។

តាមប្រភពពីប្រជាពលរដ្ឋឃើញហេតុការណ៍នេះបានប្រាប់ឲ្យដឹងថាមុនកើតហេតុគេឃើញជនជាតិចិនខាងលើបានធ្វើដំណើរដោយថ្មើរជើងទិសដៅពីលិចមកកើតលុះមកដល់ចំណុចកើតហេតុខាងលើមិនដឹងថាមានបញ្ហាអ្វីទេស្រាប់តែរត់ទៅឡើងទៅលើបង្គោលប៉ានណូផ្សព្វផ្សាយពាណិជ្ជកម្មបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋធ្វើដំណើរនៅតាមដងផ្លូវបានរាយការណ៍ជូនសមត្ថកិច្ចមូលដ្ឋានចុះមកដល់ រួចក៏បាននាំគ្នាស្រែកហៅនិងមានបងប្អូនប្រជាពលរដ្ឋចេះភាសាចិនបានស្រែកនិងនិយាយភាសាចិនឲ្យជនរងគ្រោះចុះមកវិញបន្ទាប់មកជនរងគ្រោះបានចុះមកក្រោមរួចដើរទៅដើរមកពេញសួនច្បារនៅកន្លែងកើតហេតុបន្ទាប់មកសមត្ថកិច្ចបានធ្វើការសួរនាំក៏ដូចជាធ្វើការស្រាវជ្រាវរកអត្តសញ្ញាណងាយស្រួលសមត្ថកិច្ចស្រាវជ្រាវរកសាច់ញាតិមកទទួលយកត្រឡប់ទៅផ្ទះវិញ៕សុខាសែនជ័យ​