សារព័ត៌មាន នគរវត្ត តែងតែនាំមុខគេជានិច្ច
ខ្សែការពារស្ដាំកីឡាករវ័យ១៦ឆ្នាំ Kluiverth Aguilar មកពីក្លិបAlianza Lima នៃប្រទេសប៉េរ៉ូ ត្រូវបានក្លិបយក្ស Manchester City យល់ព្រមកិច្ចសន្យាទិញយកហើយ ។
កីឡាកររូបនេះបានបង្ហាញខ្លួនប្រកួតអាជីពដំបូងកាលពី៥ខែមុន និងត្រូវគេចាត់ទុកថាជាកីឡាករមានទេពកោសល្យម្នាក់របស់ប្រទេស បានចុះកុងត្រាក្នុងតម្លៃខ្លួន១,៥លានផោន។ យ៉ាងណា យុវជនរូបនេះនឹងបន្តនៅជាមួយក្លឹបដើមរហូតដល់គេមានវ័យ១៨ឆ្នាំនៅថ្ងៃទី ៥ ខែ ឧសភា ឆ្នាំក្រោយ។
Kluiverth Aguilar បង្ហាញខ្លួនប្រកួតដំបូងឲ្យក្លិប ខណៈខ្លួននៅរៀននៅឡើយកាលពីខែវិច្ឆិកាឆ្នាំមុន ហើយធ្លាប់បង្ហាញវត្តមានទាំងពីរជើងនៃវគ្គផ្ដាច់ព្រ័ត្រ Primera Division ទល់នឹង Deportivo Binacional។ ការសម្រេចចិត្តទិញយក Aguilar ក្លិបមានបំណងទុកជំនួសសិស្សច្បង Kyle Walker ដែលមានវ័យ២៩ឆ្នាំ ដែលមានសមត្ថភាពដូចគ្នា ៕ដោយ៖ភារៈ
