សារព័ត៌មាន នគរវត្ត តែងតែនាំមុខគេជានិច្ច
អង់គ្លេស៖ក្រោយពីកិច្ចប្រជុំរួមគ្នាអស់រយៈពេលជាច្រើនសប្តាហ៍មក កីឡាករទាំងអស់ របស់ក្លិបកាំភ្លើងធំ Arsenal បានយល់ព្រមសំណើសុំកាត់ប្រាក់ខែ ប្រមាណជា១២,៥ភាគរយ ប៉ុន្តែក្នុងលក្ខណ្ឌមួយ បើក្លិបអាចមានឈ្មោះលេងនៅ Champion League រដូវកាលក្រោយនោះកីឡាករទាំងអស់នឹងស្នើសុំវិញចំនួន២ករណីដែលទាមទារ។
សំណើទី១ កីឡាករទាំងអស់ នឹងអាចទទួលបាននូវប្រាក់កម្រៃ ដែលពួកគេយល់ព្រម ឲ្យកាត់ចេញក្នុងគ្រានោះមកវិញទាំងអស់។ សំណើទី២ ពួកគេនឹងសុំបន្ថែមប្រាក់លើកទឹកចិត្ត បន្ថែមដ៏ច្រើនមួយផង សម្រាប់ការខិតខំប្រឹងប្រែង ដែលនាំឲ្យក្លិបអាចទៅលេង នៅ Champion Leagueនោះ។
ប្រាក់លើកទឹកចិត្ត ដែលក្លិបបានសន្យាកាលពីដើមរដូវកាលថា បើលើកពាន Champion League ឆ្នាំ២០២១ បាននោះនឹងទទួលបាន ប្រាក់៥០ម៉ឺនផោនម្នាក់និង១០ម៉ឺនផោនម្នាក់ បើលើកពាន Europa League ប្រសិនបើក្លិបមានកៅអីលេងនៅ Champion League រដូវកាលក្រោយបាន នឹងបន្ថែម១០ម៉ឺនផោនទៀត៕ដោយ៖ភារៈ
