សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់អាយុជាង៣០ឆ្នាំ កំពុងដើរសុខៗ មិនដឹងជាមូលហេតុ ឬវិបត្តិអ្វី ក្នុងពេលដែលឃើញរថយន្តលាយបេតុង១គ្រឿង រត់ចូលរថយន្ត ធ្វើឲ្យរថយន្តជាន់ហ្វ្រាំងមិនទាន់ ជ្រុលបុកកិនស្លាប់មួយរំពេច។
ហេតុការណ៍នេះបង្កការភ្ញាក់ផ្អើល កាលវេលាម៉ោង៣និង០០នាទីរសៀលថ្ងៃទី២៣ ខែ មេសា ឆ្នាំ ២០២០ នៅចំណុចផ្លូវថៃហ្គឺ ស្ថិតនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ ។
បុរសបើកបររថយន្តឈ្មោះ អ៊ិន ផល្លីអាយុ ៣៣ឆ្នាំ ស្នាក់នៅសង្កាត់ និរោធ ខណ្ឌច្បារអំពៅ ស្រុកស្វាយជ្រំ ខេត្តស្វាយរៀង ។ រថយន្តនោះ ពណ៌សពាក់ ផ្លាកលេខភ្នំពេញ៥A-២៨៨១។
តៃកុងរថយន្ត បានបញ្ជាក់ប្រាប់អ្នកយកព័ត៌មានឲ្យដឹងថា មុនកើតហេតុគាត់បើករថយន្តលាយបេតុង ទើបនឹងមកពីការដ្ឋានគោលបំណងត្រឡប់ទៅកន្លែងវិញ លុះមកដល់ផ្លូវថៃហ្គឺ បើកក្នុងទិសដៅពីត្បូងទៅជើងក៏មានបុរសម្នាក់អាយុជាង៣០ឆ្នាំ រត់ឆ្លងផ្លូវពីលិចមកកើត ស្រាប់ភ្លាមជាន់ហ្រ្វាំងមិនទាន់ ជ្រុលបុកបុរសម្នាក់ស្លៀកក្រមា និងអាវយឺតពណ៌ត្រួយចេកដៃខ្លី ស្លាប់នៅនឹងកន្លែងកើតហេតុ។ ពេលនោះក៏មិនបានរត់គេចដែរ ហើយក៏នគរបាលប៉ុស្តិ៍នាំ មកសាកសួរតែម្ដង ។
នគរបាលបានឲ្យដឹងថា ករណីគ្រោះថ្នាក់ចរាចរណ៍នេះ បណ្តាលឲ្យបុរសម្នាក់ស្លាប់ តែមិនទាន់ស្គាល់អត្តសញ្ញាណនៅឡើយហើយគ្រាន់តែដឹងថា ភេទប្រុសអាយុប្រហែលជាង៣០ឆ្នាំ ពេលដើរឆ្លើយផ្លូវត្រូវរថយន្តលាយបេតុង បុកកិនស្លាប់នៅកន្លែងកើតហេតុ។
អ្នកបើកបរត្រូវបានឃាត់ខ្លួន ប្រគល់ឲ្យនគរបាលចរាចរណ៍ផ្លូវគោក ស្នងការរាជធានីភ្នំពេញ ចំណែកសពយកតម្កល់ទុកនៅវត្តគល់ទទឹង នៅខណ្ឌច្បារអំពៅ ដើម្បីស្វែងរកសាច់ញាតិជាក្រោយទៀត ៕ដោយ៖ហេង សូរិយា
