សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ អគ្គីភ័យឆាបឆេះផ្ទះ ១ខ្នង និងគោយន្ត ១គ្រឿងអស់ទាំងស្រុង ត្រូវបានគេសង្ស័យអាចបណ្ដាលមកពីភ្លើងចង្រ្កាន ។
ហេតុការណ៍អគ្គីភ័យឆាបឆេះខាងលើ បានកើតឡើងនៅវេលាម៉ោង៥ និង១០នាទី ថ្ងៃអង្គារ ៧កើត ខែពិសាខ ឆ្នាំជូត ឯកស័ក ព.ស ២៥៦៣ ត្រូវនឹងថ្ងៃទី២៨ ខែមេសា ឆ្នាំ២០២០ ស្ថិតក្នុងភូមិអន្លង់ប៉ែន ឃុំសំរោង ស្រុកភ្នំក្រវាញ ខេត្តពោធិ៍សាត់ ។
របាយការណ៍នគរបាលប៉ុស្តិ៍រដ្ឋបាលសំរោង ផ្ទះ ១ខ្នងត្រូវបានអគ្គីភ័យឆាបឆេះអស់ទាំងស្រុងខាងលើ ទំហំ៥ម៉ែត្រ គុណនឹង៦ម៉ែត្រ ដំបូលប្រក់ស័ង្កសី ជញ្ជាំងបាំងក្ដារនាបក្រាលក្ដា សម្ភារៈ ទ្រព្យសម្បាតិខូចខាតរួមមាន គោយន្ដកន្រ្តៃចំនួន ១គ្រឿង សម្ភារៈប្រើប្រាស់មួយចំនួនធំ ។
របាយការណ៍នគរបាលដដែលបន្តទៀតថា ៖ ម្ចាស់ឈ្មោះ យូ អេង ភេទប្រុស អាយុ ៥៦ឆ្នាំ ជនជាតិខ្មែរ និងប្រពន្ធឈ្មោះ ហៀង សុខា អាយុ ៤២ឆ្នាំ ជនជាតិខ្មែរ មានកូនប្រុសស្រីចំនួន ៣នាក់ក្នុងបន្ទុកគ្រួសារ បច្ចុប្បន្ន រស់នៅភូមិ.ឃុំកើតហេតុ មូលហេតុ៖ គេឃើញឆេះចេញម្ដុំចង្រ្កាន ៕ដោយ៖បុឹម ពិន
