សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖យុវជនម្នាក់ត្រូវបានសាច់ញាតិប្រទះឃើញដេកស្លាប់ក្នុងបន្ទប់ដោយគ្មាននរណាម្នាក់ដឹងឡើយ។
ករណីគួរឲ្យភ្ញាក់ផ្អើលនេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី៣ខែឧសភាឆ្នាំ២០២០នស្ថិតនៅក្នុងបន្ទប់ដេករបស់ជនរងគ្រោះផ្ទាល់ក្នុងក្រុមទី៣ភូមិទក្សិណខាងត្បូង សង្កាត់គោកចក ក្រុង-ខេត្តសៀមរាប ។
សមត្ថកិច្ចនគរបាលប៉ុស្តិ៍រដ្ឋបាលគោកចកបាននិយាយថា បើតាមការបំភ្លឺរបស់ ឈ្មោះ សន ចំណាន ភេទប្រុស អាយុ៣៥ឆ្នាំត្រូវជាពូបង្កើតរបស់សពបានឱ្យដឹងថា រូបគាត់ធ្លាប់បានឮក្មួយប្រាប់ថាកន្លងមករូបគេមានជំងឺបេះដូងហើយបានថប់ៗដង្ហើមក្នុងទ្រូង។ក្រោយមកឪពុកម្ដាយបាននាំជនរងគ្រោះទៅពេទ្យ ដើម្បីពិនិត្យជំងឺនិងព្យាបាល តែមិនធូរស្បើយសោះ។
សមត្ថកិច្ចបានបន្តទៀតថា ជនរងគ្រោះឈ្មោះ សាន់ នីម ភេទប្រុស អាយុ ១៩ឆ្នាំជាសិស្សស្នាក់នៅក្រុមទី ៣ភូមិទក្សិណខាងត្បូងសង្កាត់គោកចកក្រុងសៀមរាប ខេត្តសៀមរាប។
តាមការពិនិត្យសពរបស់មន្ត្រីជំនាញដែលចុះទៅធ្វើកោសល្យវិច័យបានឱ្យដឹងថាជុំវិញខ្លួនសពពុំមានស្លាកស្នាមដែលពាក់ព័ន្ធនឹងបទល្មើសមនុស្សឃាតឡើយទើបសន្និដ្ឋានថាជនរងគ្រោះស្លាប់ដោយឡើងសម្ពាធឈាមខ្លាំងបណ្ដាលឱ្យគាំងបេះដូង៕ដោយ៖ប៊ុនរិទ្ធី
