សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖មេឃភ្លៀងមួយមេធំ លាយឡំ ខ្យល់កន្ត្រាក់ បោកបក់បាក់ដើមក្ងោកមួយដើមសង្កត់រថយន្ត១គ្រឿង នៅតាមបណ្ដោយផ្លូវ រង្វង់មូលវត្តភ្នំ ។
ហេតុការណ៍ខ្យល់បក់បាក់ដើមឈើនេះ បង្ករកាភ្ញាក់ផ្អើលកាលពីម៉ោង ៦ព្រឹក ថ្ងៃទី១៣ ខែឧសភា ឆ្នាំ២០២០ស្ថិតនៅតាមបណ្ដោយ ផ្លូវ រង្វង់មូលវត្តភ្នំ ទល់មុខនឹងអគ្គីសនីកម្ពុជា មូលដ្ឋានសង្កាត់វត្តភ្នំ ខណ្ឌដូនពេញ។
ប្រភពពត៌មានពីមន្ត្រីសមត្ថកិច្ចយាមនៅគោលដៅបានប្រាប់អោយដឹងថា ៖ នៅមុនពេលកើតហេតុគឺ មានមេឃភ្លៀងធ្លាក់ រួមនិង ខ្យល់បោកបក់យ៉ាងខ្លាំង ដែលបង្កអោយខ្យល់បក់ដើមក្ងោករលើងទាំងឬសបាក់រាបដល់ដី និង សង្កត់រថយន្តម៉ាក់ Ford Ranger មួយគ្រឿង ពណ៌ស ពាក់ស្លាកលេខសៀមរាប 2D-7999 របស់អ្នកធ្វើដំណើរកំពុងបើកបរតាមបណ្ដោយផ្លូវ រង្វង់មូលវត្តភ្នំ បណ្ដាលអោយខូចខាតផ្នែកដំបូលទាំងស្រុង តែសំណាងល្អមិនបង្កអោយមានមនុស្សរងរបួសឡើយ។
លោក សុខ ពេញវុធ អភិបាលនៃគណៈអភិបាលខណ្ឌដូនពេញបានប្រាប់អោយដឹងថា ក្រោយពីទទួលព័ត៌មានថាមានការណីបាក់ដើមក្ងោក នៅចំណុចកើតហេតុ រួចមក និងមានបាក់សង្កត់រថយន្ត១គ្រឿង ក៏បានបញ្ជាកម្លាំងគណៈបញ្ជាការឯកភាពចុះជួយសម្រួលនៅកន្លែងកើតហេតុភ្លាមៗតែម្ដង។
បន្ទាប់ពីកើតហេតុសាលាធានីភ្នំពេញ បានចាត់កម្លាំងចុះមកកាត់ដើមឈើយកចេញដើម្បី ជៀសវាងការកកស្ទះចរាចរ និង កម្លាំងគណៈបញ្ជាការឯកភាពខណ្ឌដូនពេញបានបាញ់ទឹកលាងសម្អាតផ្លូវឡើងវិញផងដែរ៕ជ្រោយពេជ្រ
