សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសចំណាស់ម្នាក់ជាមន្រ្តីនគរបាលប៉ុស្តិ៍ផ្សារកណ្តាលទី២ បានខ្យល់គរដួលស្លាប់ បង្កឱ្យមានការភ្ញាក់ផ្អើលដល់ប្រជាពលរដ្ឋកាលពីវេលាម៉ោង ៩និង៤០នាទីព្រឹក ថ្ងៃទី២៩ ខែឧសភា ឆ្នាំ២០២០ ស្ថិតនៅតាមបណ្តោយផ្លូវលេខ១៣៦ កែងនិឹងផ្លូវលេខ១៣ សង្កាត់ផ្សារកណ្តាលទី១ ខណ្ឌដូនពេញ ។
សមត្ថកិច្ចបានឲ្យដឹងថា ជនរងគ្រោះមានឈ្មោះ ប៉ែន សុខគា អាយុ៥០ឆ្នាំ ជាមន្រ្តីនគរបាលប៉ុស្តិ៍ផ្សារកណ្តាលទី២ ។
ប្រភពព័ត៌មាននៅកន្លែងកើងហេតុបានឲ្យដឹងថា មុនពេលកេីតហេតុគេឃេីញបុរសជាមន្រ្តីនគរបាលរូបនេះបើកម៉ូតូម៉ាកហុងដា PCX ស៊េរីឆ្នាំ២០១៣ពាក់ស្លាកលេខភ្នំពេញ 1BC-3167 មកឈប់នៅកន្លែងម៉ាត Smile ។ មួយសន្ទុះក្រោយមកស្រាប់តែដួល ហេីយត្រូវបានបងប្អូនប្រជាពលរដ្ឋជាច្រេីនខំជួយសង្គ្រោះ និងតេហៅរថយន្តសង្គ្រោះបន្ទាន់មកដឹក តែជាអកុសលជនរងគ្រោះបានស្លាប់បាត់ទៅហេីយ ។
បន្ទាប់ពីកេីតហេតុ ក្រុមគ្រួសារសាច់ញាតិបានមកដល់កន្លែងកើតហេតុទទួលយកសពទៅធ្វើបុណ្យតាមប្រពៃណី ៕ជ្រោយពេជ្រ
