សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ នគរបាលស្រុកព្រះនេត្រព្រះ បានធ្វើការប្រគល់គ្រាប់យុទ្ធភណ្ឌមិនទាន់ផ្ទុះ ចំនួន២០គ្រាប់ និងសាស់បេ៤១ចំនួន១០ជូនអង្គភាពស៊ីម៉ាក់យកទៅធ្វើការកម្ទេចចោល បន្ទាប់ពីគ្រាប់ទាំងនេះ ត្រូវបានប្រជាពលរដ្ឋធ្វើស្រែចម្ការប្រទះឃើញរួចរាយការណ៍ប្រាប់អាជ្ញាធរមូលដ្ឋាន។
លោកវរសេនីយ៍ឯក មាស ប្ញទ្ធី អធិការនគរបាល ស្រុកព្រះនេត្រព្រះ បានបានឲ្យដឹងថា ការប្រគល់យុទ្ធភណ្ឌមិនទាន់ផ្ទុះជូនមន្រ្តីអង្គការស៊ីម៉ាក់កម្ទេចចោលនេះប្រព្រឹត្តទៅនៅរសៀលថ្ងៃទី០២ ខែមិថុនា ឆ្នាំ២០២០។
លោកអធិការបន្តថា គ្រាប់យុទ្ធភណ្ឌមិនទាន់ផ្ទះទាំងអស់នោះបន្សល់ទុកពីសម័យសង្រ្គាម បានមកពីប្រជាពលរដ្ឋទៅភ្ជួរដីចម្ការ និងស្រែ ប្រទះឃើញរួចរាយការណ៍មកកម្លាំងនគរបាលប៉ុស្តិ៍រដ្ឋបាល ហើយដើម្បីបញ្ចៀសបាននូវការគ្រោះថ្នាក់ជាយថាហេតុនោះ កម្លាំងនគរបាលស្រុកស្វាយចេកក៏បានធ្វើការប្រគល់ជូនអង្គភាពស៊ីម៉ាក់យកទៅធ្វើការកម្ទេចចោលតាមលក្ខណ:បច្ចេកទេស។
លោកអធិការបានបញ្ជាក់ទៀតថា គ្រាប់ទាំងអស់មានចំនួន២០គ្រាប់ និងសាស់បេ១០សាស់ ក្នុងនោះ ប៉ុស្តិ៍រដ្ឋបាលឃុំទឹកជោរបានប្រគល់ជូនអង្គភាពស៊ីម៉ាក់ចំនួន០៦គ្រាប់ មាន ៖ គ្រាប់៦០ម.ម ចំនួន៣គ្រាប់, សាស់បេ៤១ចំនួន១០សាស់, គ្រាប់បេ៤០ចំនួន០១គ្រាប់, គ្រាប់បេ៤១ចំនួន០២គ្រាប់ ។ ប៉ុស្តិ៍រដ្ឋបាលឃុំជប់វារី ចំនួន១១គ្រាប់ មាន គ្រាប់ផ្លោងចំនួន០៨គ្រាប់, គ្រាប់ដេកាចំនួន០១គ្រាប់, គ្រាប់កាំភ្លើងត្បាល់ចំនួន០១គ្រាប់,គ្រាប់បេចំនួន០១គ្រាប់ ។ ប៉ុស្តិ៍រដ្ឋបាលឃុំភ្នំលៀប មាន គ្រាប់កាំភ្លើងត្បាល់៦០ម.មចំនួន០១គ្រាប់ និងប៉ុស្តិ៍រដ្ឋបាលឃុំទានកាំ ចំនួន០២គ្រាប់ ក្នុងនោះ គ្រាប់បែកដៃក្រឡាទៀបចំនួនចំនួន០១គ្រាប់ និងគ្រាប់១០៥ម.ម ចំនួន០១គ្រាប់ ៕ដោយ៖ប្រាថ្នា
