សារព័ត៌មាន នគរវត្ត តែងតែនាំមុខគេជានិច្ច
នាវាដឹកទំនិញអុីរ៉ង់ រួមមានសម្ភារសំណង់ទៅកាន់កំពង់ផែ Umm Qasr របស់ប្រទេសអុីរ៉ាក់បានជួបហេតុការណ៍អាក្រក់បណ្តាលឲ្យលិចតែម្តង។ ក្រុមជួយសង្គ្រោះជួយបាននាវឹក៤នាក់ ហើយនៅមាននាវឹកជាច្រើនរូបទៀតបសនបាត់ខ្លួន។
នៅថ្ងៃទី៥ ខែមិថុនា អង្គការដឹកជញ្ជូនតាមដែនសមុទ្រ PMO របស់អុីរ៉ង់បានប្រកាសថា នាវាដឹកទំនិញរបស់ប្រទេសនេះជួបឧបទ្ទវហេតុ បណ្តាលឲ្យលិចនៅតំបន់សមុទ្រប្រទេសអុីរ៉ង់ បណ្តាលឲ្យមនុស្ស២នាក់ស្លាប់ និងបាត់ខ្លួនជាច្រើននាក់។
លោកNourollah Asadi ប្រធានគ្រប់គ្រងកំពង់ផែ និងដែនសមុទ្របាននិយាយទៅកាន់សារព័ត៌មាន Tehran Times ថា នាវាដឹកទំនិញខាងលើបានដឹកសេរ៉ាមិុចនិងសម្ភារសំណង់ទៅកាន់ កំពង់ផែនUmm Qasr របស់អុីរ៉ាក់ ។ នាវាខាងលើបានចាកចេញពីកំពង់ផែ Khorramshahr ប្រទេសអុីរ៉ង់នៅថ្ងៃទី២ ខែមិថុនា ហើយបានលិចនៅយប់ថ្ងៃទី៤ ខែមិថុនា។
ក្រុមជួយសង្គ្រោះកំពុងតែខិតខំស្វែងរកអ្នកដែលបាត់ខ្លួន ចំណែកមូលហេតុបណ្តាលឲ្យគ្រោះថ្នាក់លិចនាវានេះនៅមិនទាន់ដឹងនៅឡើយទេ ហើយក៏មិនទាន់ដឹងថាមាននាវឹកប៉ុន្មាននាក់នោះដែរ ក្រុមជំនាញកំពុងតែស្រាវជ្រាវបញ្ជាក់ឲ្យបានច្បាស់៕
ដោយ៖ធី រីណា
