សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ការអភិវឌ្ឍន៍ក្នុងមូលដ្ឋានកើតមានជាបន្តបន្ទាប់ គ្រប់ហេដ្ឋារចនាសម្ព័ន្ធ ដើម្បីបម្រើជូនដល់បងប្អូនប្រជាពលរដ្ឋ ហើយនៅព្រឹកថ្ងៃទី០៣ ខែកក្កដា ឆ្នាំ២០២០នេះ អាជ្ញាធរសង្កាត់ចោមចៅទី៣ ខណ្ឌពោធិ៍សែនជ័យ ដាក់កម្លាំង យកគ្រឿងចក្រ កាយវាយរបងដើម្បីពង្រីកផ្លូវចាក់បេតុងថ្មី នៅខាងក្រោយវត្តជម្ពូវ័ន ភូមិព្រៃព្រីងត្បូង២ សង្កាត់ចោមចៅទី៣ ខណ្ឌពោធិសែនជ័យ ងាយស្រួលដល់ពលរដ្ឋធ្វើដំណើរ ។
តាមអាជ្ញាធរ បានឲ្យដឹងថា ផ្លូវលំចំណុចខាងលើ ដើមឡើយទំហំ៣ម៉ែត្រ ទឹកជន់លិច ភក់ជ្រាំ នៅរដូវវស្សា ពលរដ្ឋជួបការលំបាកច្រើន ដោយមានគម្រោងកិច្ចអភិវឌ្ឍន៍របស់សាលារាជធានីភ្នំពេញ ក្រោយពីអាជ្ញាធរមូលដ្ឋានបានផ្សព្វផ្សាយជូនដំណឹងដល់ ក្រុមហ៊ុនឯកជន ផ្ទះប្រជាពលរដ្ឋ រងផលប៉ះពាល់ ក្នុងការពង្រីកផ្លូវ ក្នុងកិច្ចសហការល្អ ទើបនៅព្រឹកថ្ងៃទី០៣ ខែកក្កដា ឆ្នាំ២០២០នេះ អាជ្ញាធរ សង្កាត់ចោមចៅទី៣ ក្រោមការអនុញ្ញាតពីសាលាខណ្ឌ ដឹកនាំដោយលោក ប៉ាង លីដា អភិបាលរងខណ្ឌ ដាក់កម្លាំង យកគ្រឿងចក្រ វាយ កាយរបង ក្នុងបំណងបើកពង្រីកផ្លូវ ដើម្បីស្ថាបនាជាផ្លូវបេតុងទំហំ៨ម៉ែត្រ ។
ការអភិវឌ្ឍន៍ស្ថាបនាផ្លូវបេតុងក្នុងមូលដ្ឋានខាងលើ ត្រូវបានពលរដ្ឋសាទរ ក្រោយពីពួកគាត់ កង្វះផ្លូវធ្វើដំណើរ ប្រឈមហារនិភ័យ គ្រាដែលកើតមានគ្រោះអគ្គិភ័យ ក្នុងរយៈពេលកន្លងមក ដល់ពេលនេះបានផ្លូវធំទូលាយ បេតុងស្អាត ៕
ដោយ ៖សុខាសែនជ័យ
