សារព័ត៌មាន នគរវត្ត តែងតែនាំមុខគេជានិច្ច
អេស្ប៉ាញ៖ ខ្សែការពារ Sergio Ramos រកបានគ្រាប់បាល់ប៉េណាល់ទីម្តងទៀតកាលពីរាត្រីម្សិលមុិញសម្រាប់ការប្រកួតជាប់គ្នាលើកទី២ ខណៈដែល Real Madrid បានផ្តួលក្រុម Athletic Bilbao ១ទល់០ ដើម្បីឈានទៅរកពានរង្វាន់ La Liga ។ នេះបើយោងតាមBBC Sport ចេញផ្សាយនៅព្រឹកថ្ងៃចន្ទីនេះ។
ខ្សែការពារ Sergio Ramos គាត់រកបាន៥គ្រាប់ក្នុង៧ប្រកួត តាំងពីលីកកំពូលអេស្ប៉ាញចាប់ផ្តើមឡើងវិញ។ ក្រុមការពារតំណែងជើងឯក Barcelona កំពុងចាញ់៤ពិន្ទុ ក្រោយពេលយកឈ្នះក្រុម Villarreal ៤-១ កាលពីរាត្រីថ្ងៃអាទិត្យដែរ ។
ជ័យជម្នះរបស់ក្រុម Real Madrid លើក្រុម Athletic Bilbao គឺជាការប្រកួតមួយដែលមានឱកាសរកគ្រាប់បាល់តិចណាស់ដោយអ្នកចាំទីReal Madrid កីឡាករ Thibaut Courtois បានព្យាយាមចាប់បាល់មិនឲ្យចូលទីឡើយ។ Courtois បានក្លាយជាអ្នកចាំទីដំបូងបង្អស់ដែលរក្សាClean Sheet ១៧ដង សម្រាប់ Real Madrid ក្នុងមួយរដូវកាល La Ligaគិតចាប់តាំងពីពេលដែលអតីតអ្នកចាំទី Francisco Buyo ធ្វើបានកាលពីឆ្នាំ១៩៩៤-១៩៩៥ ។
សូមជម្រាបថា ក្រុមរបស់លោក Zinedine Zidane ត្រូវការឈ្នះតែ៣ប្រកួតប៉ុណ្ណោះ ដើម្បីដណ្តើមបានពានរង្វាន់ La Liga ជាលើកទី២ចាប់តាំងពីឆ្នាំ២០១២ ខណៈដែលលីកកំពូលអេស្ប៉ាញមួយនេះនៅសល់៤ប្រកួតទៀតចប់រដូវកាល ៕ដោយ៖ភារៈ
