សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់សង្ស័យថាស្រវឹងស្រាខ្លាំងហើយ បានបើករថយន្ត Toyota Prius មួយគ្រឿងក្នុងល្បឿនលឿនជ្រុលទៅបុកបង្គោលកៅឡាក់ជិតស្ថានទូតចិនបណ្ដាលឲ្យបាក់អស់១ដេីម កាលពីវេលាម៉ោង ២រំលងអធ្រាត្រ ឈានចូលថ្ងៃទី១៦ ខែកក្កដា ឆ្នាំ២០២០ នៅជិតស្ថានទូតចិន តាមបណ្ដោយផ្លូវម៉ៅសេទុង ក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ។
តាមការបញ្ជាក់ពីសមត្ថកិច្ចនៅកន្លែងកើតហេតុបានដឹងថា មុនពេលកើតហេតុគេឃើញរថយន្ត មួយគ្រឿងម៉ាក Toyota Prius ពណ៌ស ពាក់ស្លាកលេខ ភ្នំពេញ 2AH-005 បើកបរដោយបុរសម្នាក់ធ្វេីដំណេីរក្នុងទិសដៅពីកើតទៅលិចដោយល្បឿនលឿន លុះមកដល់កន្លែងកើតហេតុរថយន្តក៏រេចង្កូតមកខាងស្ដាំដៃជ្រុលទៅបុកសសរកៅឡាក់ជិតស្ថានទូតចិនបណ្តាលឲ្យបាក់អស់១ដើម ចំណែករថយន្តរងការខូចខាតបន្តិចបន្តួច ហើយសំណាងល្អគ្មានអ្នករងរបួសឡើយ។
ក្រោយកើតហេតុសមត្ថកិច្ចមូលដ្ឋានចុះទៅដល់កន្លែងកើតហេតុទាក់ទងទៅខាងជំនាញចរាចរណ៍នៃស្នងការដ្ឋាននគរបាលរាជធានីភ្នំពេញចុះមកវាស់វែងយករថយន្តទៅរក្សាទុករង់ចាំដោះស្រាយគ្នានៅពេលក្រោយតាមច្បាប់៕
ដោយ៖ ភារ៉ា ដង្កោ
