សរុបព័ត៌មានអំពីទីផ្សារដោះដូរកីឡាករ-គ្រូបង្វឹកសំខាន់ៗនៅតំបន់អឺរ៉ុបប្រចាំសប្តាហ៍នេះ

កីឡាអន្តរជាតិ៖តាមការចេញផ្សាយរបស់ BBC Sport បានបង្ហាញពីទីផ្សារដោះដូរកីឡាករ-គ្រូបង្វឹកមួយចំនួនដែលអាចកើតមាន ឬក៏អាចជាពាក្យចចាមអារ៉ាម។ យោងតាមការចេញផ្សាយខាងល់ “គេហទំព័រនគរវត្ត” សូមធ្វើការបង្ហាញពីផ្សាយដោះដូរកីឡាករ-គ្រូបង្វឹកនៅតំបន់អឺរ៉ុបសម្រាប់សប្តាហ៍នេះដូចខាងក្រោម៖

១-ក្លឹប Inter Milan កំពុងពិចារណាលើការផ្លាស់ប្តូររដូវក្តៅមួយសម្រាប់ក្រុមតោខៀវ Chelsea លើខ្សែបម្រើសញ្ជាតិបារាំង N’Golo Kante ជាមួយនឹងការសម្រេចផ្ទាល់ខ្លួនរបស់កីឡាករវ័យ២៩ឆ្នាំរូបនេះ។

២-ក្លឹប Zenit St Petersburg បានបង្ហាញចំណាប់អារម្មណ៍ក្នុងការចុះហត្ថលេខាជាមួយខ្សែការពារក្លឹប Liverpool និងជាជម្រើសជាតិក្រូអាត Dejan Lovren វ័យ៣១ឆ្នាំ។

៣-ក្លឹប AC Milan ចាប់អារម្មណ៍នឹងខ្សែប្រយុទ្ធសញ្ជាតិស៊ែប៊ី Luka Jovic របស់ក្លឹប Real Madrid វ័យ២២ឆ្នាំដែលជាគោលដៅសម្រាប់ក្លឹប Leicester City និង Arsenal ដែរ។

៤-Kai Havertz ចង់ចាកចេញពី Bayer Leverkusen ដោយសារតែពួកគេមិនបានទទួលបានសិទ្ធិចូលរួមលេងក្នុងក្របខ័ណ្ឌ Champions League ដូច្នេះ Chelsea កំពុងបញ្ចុះបញ្ចូលខ្សែបម្រើសញ្ជាតិអាឡឺម៉ង់វ័យ២១ឆ្នាំដើម្បីចុះហត្ថលេខា។

៥-ក្លឹប Wigan កំពុងស្វែងរកកីឡាករបន្ថែម បន្ទាប់ពីក្លឹបលេងនៅអង់គ្លេស Championship មួយនេះមានកីឡាករមួយចំនួនបានឈប់ដោយសារតែការកាត់ប្រាក់ឈ្នួលចំនួន១៩លានផោនរបស់ពួកគេ។

៦-ក្រុម Bayern Munich ចាប់អារម្មណ៍នឹងខ្សែបម្រើឆ្នើមពីរនាក់របស់ក្របខ័ណ្ឌ Premier League សញ្ជាតិបារាំងគឺកីឡាករ Tanguy Ndombele វ័យ២៣ឆ្នាំរបស់ក្លឹប Tottenham និងកីឡាករ Tiemoue Bakayoko វ័យ២៥ឆ្នាំរបស់ Chelsea ។

៧-ខ្សែប្រយុទ្ធស៊ុយអែត Zlatan Ibrahimovic វ័យ៣៨ឆ្នាំនិយាយថា គាត់មិនច្បាស់អំពីអនាគតរបស់ AC Milan ទេដោយមិនមានកិច្ចចរចាកុងត្រាណាមួយកើតឡើង មុនពេលកិច្ចព្រមព្រៀងរបស់គាត់ផុតកំណត់។

៨-អ្នកគាំទ្រប្រមាណ៥០០០នាក់ត្រូវបានអនុញ្ញាតឱ្យចូលទៅក្នុងពហុកីឡដ្ឋានដើម្បីទស្សនាការប្រកួតមិត្តភាពមុនរដូវកាលដំបូងរបស់ក្លឹប Paris St-Germain ដែលជាជ័យជម្នះ ៩-០ លើក្រុមម្ចាស់ផ្ទះ Le Havre ។

៩-ក្រុម Manchester City នឹងផ្តល់ជូនលោក Pep Guardiola នូវកិច្ចសន្យាថ្មីរយៈពេលវែងមួយដែលរកចំណូលបានបន្ទាប់ពីការអនុញ្ញាតឲ្យលេងក្នុងក្របខ័ណ្ឌ Champions League រដូវកាលក្រោយ។ លោក Guardiola នឹងត្រូវបានផ្តល់ប្រាក់ប្រហែល១៥០លានផោនដើម្បីជួយក្រុមរបស់លោក។

១០-ខ្សែការពារ Napoli កីឡាករនីហ្សេរីយ៉ា Kalidou Koulibaly វ័យ២៩ឆ្នាំអាចជាគោលដៅនៃផែនការរបស់លោក Guardiola ក្នុងការកសាងប្រព័ន្ធការពាររបស់គាត់ឡើងវិញរដូវកាលក្រោយ។

១១-ប្រធានក្លឹប Barcelona លោក Josep Maria Bartomeu បានច្រានចោលលទ្ធភាពរបស់ខ្សែប្រយុទ្ធប្រេស៊ីល Neymar វ័យ២៨ឆ្នាំដែលបានវិលត្រឡប់មកកាន់ទឹកដី Nou Camp វិញ ប៉ុន្តែលោកនិយាយថាក្លឹបកំពុងពិចារណាលើការផ្លាស់ប្តូរខ្សែប្រយុទ្ធក្លឹប Inter Milan Lautaro Martinez វ័យ២២ឆ្នាំ។

១២-ម្ចាស់ក្លឹប Barcelona លោក Bartomeu អះអាងថា លោកប្រាកដក្នុងចិត្តថាខ្សែប្រយុទ្ធឆ្នើមសញ្ជាតិអាហ្សង់ទីន Lionel Messi វ័យ៣៣ឆ្នាំនឹងបន្តនៅ Nou Camp នៅឆ្នាំក្រោយទៀត។

១៣-ក្លឹប Real Madrid មានទំនុកចិត្តថាខ្សែប្រយុទ្ធបារាំង Kylian Mbappe វ័យ២១ឆ្នាំនឹងចរចាផ្ទេរពី Paris St-Germain ក្នុងរយៈពេលមួយឆ្នាំទៀតមកទឹកដីអេស្ប៉ាញ។

១៤-ក្លឹបហង្សក្រហម Liverpool កំពុងតែស្វែងរកក្លឹបណាដែលត្រូវខ្សែការពារសញ្ជាតិក្រូអាស៊ី Dejan Lovren វ័យ៣១ឆ្នាំបើទោះបីជាកីឡាកររូបនេះចង់បន្តកិច្ចសន្យាថ្មីក៏ដោយ។

១៥-ក្រុម Bayern Munich កំពុងត្រៀមផ្លាស់ប្តូរកីឡាករ Tanguy Ndombele វ័យ២៣ឆ្នាំរបស់ Tottenham និងមិត្តរួមក្រុមសញ្ជាតិបារាំង Tiemoue Bakayoko វ័យ២៥ឆ្នាំរបស់ Monaco ។

១៦-ក្លឹប Nice បានធ្វើការផ្តល់ជូនតម្លៃ និងកំពុងចរចាទិញខ្សែបម្រើសញ្ជាតិអេស្ប៉ាញវ័យ២៤ឆ្នាំ Rony Lopes ពីក្លឹប Sevilla ។

១៧-នាយកកីឡារបស់ក្លឹប Norwich City លោក Stuart Webber និយាយថា ការដេញថ្លៃចំពោះកីឡាករដែលមានទេពកោសល្យវ័យក្មេងល្អបំផុតរបស់ក្លឹបនៅរដូវក្តៅនេះចាប់ផ្តើមពី២០លានផោន។

១៨-ក្លឹប Brentford កំពុងកំណត់គោលដៅទៅលើខ្សែបម្រើស្លាបជនជាតិអៀរឡង់វ័យ២៤ឆ្នាំគឺ Ronan Curtis ដើម្បីជំនួសកីឡាករសញ្ជាតិអាល់ហ្សេរី Benrahma វ័យ៤ឆ្នាំប្រសិនបើគាត់ចាកចេញ។

១៩-ខ្សែការពារហុល្លង់ Nathan Ake វ័យ២៥ឆ្នាំរបស់ក្រុម Bournemouth ប្រហែលជាមិនបានលេងទៀតទេនៅរដូវកាលនេះបន្ទាប់ពីមានបញ្ហាក្រលៀនពេលប្រកួតទល់នឹងក្រុម Leicester ។

២០-ក្រុម Manchester City ត្រូវបានក្លឹប Napoli ដកស្រង់សំដីពីការឲ្យតម្លៃ៦៥លានផោនសម្រាប់ខ្សែការពារសេណេហ្គាល់ Kalidou Koulibaly វ័យ២៩ឆ្នាំដែលកំពុងមានទំនាក់ទំនងជាមួយ Liverpool និង Manchester United ហើយកាលពីមុនមានតម្លៃខ្លួន៨០លានផោន។

២១-ក្រុម Manchester City បានកំណត់យកខ្សែប្រយុទ្ធអាហ្សង់ទីនរបស់ក្លិប Inter Milan គឺកីឡាករ Lautaro Martinez វ័យ២២ឆ្នាំដែលអាចចាប់ដៃគូជាមួយមិត្តរួមជាតិ Sergio Aguero វ័យ៣២ឆ្នាំ។ ទោះយ៉ាងណា Martinez ក៏ត្រូវបានក្លឹប Barcelona កំពុងតាមទិញដែរ។

២២-ក្លិប Bayern Munich កំពុងស្វែងរកទឹកប្រាក់៤០លានអឺរ៉ូ (៣៦,២លានផោន) សម្រាប់អតីតខ្សែបម្រើរបស់ខ្លួនគឺ Thiago Alcantara ជាខ្សែប្រយុទ្ធអន្តរជាតិអេស្ប៉ាញវ័យ២៩ឆ្នាំដែលកំពុងមានទំនាក់ទំនងជាមួយ Liverpool ។

២៣-លោក Pep Guardiola បានបើកចំហរដើម្បីនាំយកខ្សែបម្រើសញ្ជាតិប្រេស៊ីល Douglas Luiz វ័យ២២ឆ្នាំត្រលប់មក Manchester City វិញនៅពេលដែលរដូវកាលដោះដូរកីឡាករបើកទ្វារនៅដំណាច់ខែកក្កដា។

២៤-ខ្សែបម្រើអង់គ្លេសសញ្ជាតិអង់គ្លេស Adam Lallana វ័យ៣២ឆ្នាំដែលកំពុងចាកចេញពីក្រុមចាស់ អាចនឹងត្រូវផ្ទេរដោយឥតគិតថ្លៃនៅរដូវក្តៅនេះដែលជាគោលដៅសម្រាប់ក្រុម Leicester, Burnley និង Brighton ។

២៥-ខ្សែការពារសញ្ជាតិអង់គ្លេស Danny Rose របស់ក្រុម Tottenham នៅតែមានសង្ឃឹមក្នុងការខ្ចីជើងពីក្លឹប Newcastle ទៅជាការផ្លាស់ប្តូរជាអចិន្រ្តៃយ៍ដោយមានក្លឹបនៅអ៊ីតាលីទាក់ទងកីឡាករវ័យ៣០ឆ្នាំរូបនេះគឺក្លឹប Lazio ប៉ុន្តែមិនទាន់ត្រូវបានដាក់ទៅតំណាងរបស់គាត់នៅឡើយទេ។

២៦-ខ្សែការពារសញ្ជាតិព័រទុយហ្កាល់ Diogo Dalot អាយុ២១ឆ្នាំដែលខកខានមិនបានធ្វើការប្រកួតលីគ៩ក្រុមចុងក្រោយបានត្រៀមខ្លួនវិលត្រឡប់មកកាន់ក្រុមបិសាចក្រហមវិញប្រសិនបើ Luke Shaw និង Brandon Williams មិនអាចចូលលេងបាននៅថ្ងៃព្រហស្បតិ៍នេះ។

២៧-ក្រុម Middlesbrough ដែលលេងលីកទី២របស់អង់គ្លេសកំពុងបាត់បង់កីឡាករស្ដាំរបស់អង់គ្លេស Djed Spence អាយុ១៩ឆ្នាំនារដូវក្តៅនេះ ខណៈដែលក្លឹបជាច្រើននៃក្របខ័ណ្ឌ Premier League រួមមាន Tottenham, West Ham និង Brighton ចំណាប់អារម្មណ៍រូបគេ។

២៨-ខ្សែប្រយុទ្ធបូស្នៀវ័យ២៧ឆ្នាំរបស់ក្លិប Everton និងខ្សែបម្រើ Mo Besic នឹងត្រូវបានដាក់លក់ ឬខ្ចីជើងនៅរដូវក្តៅនេះ ហើយមានទំនុកចិត្តក្នុងការផ្លាស់ទៅកាន់ក្លឹបដែលហ៊ានឲ្យថ្លៃ ។

២៩-ក្លឹប Portsmouth កំពុងសម្លឹងមើលការផ្លាស់ប្តូរលក្ខខណ្ឌខ្ចីជើងសម្រាប់ខ្សែការពារស្លាបឆ្វេងអង់គ្លេស Alex Cochrane របស់ Brighton វ័យ២០ឆ្នាំ។

៣០-លោក Nuno Espirito Santo គ្រូបង្វឹករបស់ក្រុមចចកខ្មៅ Wolverhampton មិនច្បាស់ទេប្រសិនបើខ្សែប្រយុទ្ធម៉ិកស៊ិក Raul Jimenez អាយុ២៩ឆ្នាំនឹងខកខានការប្រកួតណាមួយដោយសារតែជាប់ប្រពន្ធសម្រាលកូនដែលជាកូនដំបូងរបស់គាត់។

៣១-ក្រុម Bayern Munich ត្រូវបានគេគិតថាបានបោះបង់ចោលការប្រជែងគ្នាជាក្រុមតោខៀវ Chelsea ទៅលើកីឡាករសញ្ជាតិអាល្លឺម៉ង់ Kai Havertz វ័យ២១ឆ្នាំ របស់ក្លឹប Bayer Leverkusen។

៣២-ក្លឹប Everton, Atletico Madrid និង Bayern Munich ត្រូវបានគេរំពឹងថានឹងដេញថ្លៃខ្សែបម្រើស្លាបរបស់កូតឌីវ័រ Wilfried Zaha របស់ក្លឹប Crystal Palace នៅរដូវក្តៅនេះ ខណៈដែលក្លឹប Newcastle ក៏ចាប់អារម្មណ៍លើកីឡាករវ័យ២៧ឆ្នាំរូបនេះផងដែរ។

៣៣-ក្លឹប Southampton សង្ឃឹមថានឹងទទួលបានកិច្ចព្រមព្រៀង១០លានផោនជាអចិន្ត្រៃយ៍សម្រាប់ខ្សែការពារអង់គ្លេស Kyle Walker-Peters វ័យ២៣ឆ្នាំដែលបានខ្ចីជើងនៅក្លឹប Saints តាំងពីខែមករា។

៣៤-គ្រូបង្វឹកក្លឹប Southampton លោក Ralph Hasenhuttl បានបដិសេធមិនពិភាក្សាពីលទ្ធភាពនៃការដោះដូររវាងខ្សែបម្រើសញ្ជាតិដាណឺម៉ាក Pierre-Emile Hojbjerg វ័យ២៤ឆ្នាំដែលចង់ផ្ទេរទៅ Tottenham និង Walker-Peters ។

៣៥-ខ្សែបម្រើសញ្ជាតិអង់គ្លេសវ័យ១៧ឆ្នាំ Jude Bellingham បានយល់ព្រមលើការផ្លាស់ប្តូរទឹកប្រាក់២២,៥ លានផោនទៅកាន់ក្លឹប Borussia Dortmund ។

៣៦-ខ្សែបម្រើ Thomas Partey របស់ប្រទេសហ្គាណាវ័យ២៧ឆ្នាំដែលត្រូវមានការចាប់អារម្មណ៍ពីក្រុម Arsenal នឹងចុះកិច្ចសន្យាថ្មីជាមួយក្លឹប Atletico Madrid ដែលបានផ្តល់ប្រាក់ខែទ្វេដង ។

៣៧-ខ្សែបម្រើសញ្ជាតិបារាំង Paul Pogba វ័យ២៧ឆ្នាំជិតឈានដល់ការព្រមព្រៀងលើកិច្ចសន្យាថ្មីរយៈពេល៥ ឆ្នាំជាមួយក្រុម Manchester United ។

៣៨-ក្លឹប Bayer Leverkusen បានទទួលយកថាខ្សែបម្រើអាល្លឺម៉ង់ Kai Havertz វ័យ២១ឆ្នាំបានជ្រើសរើសចូលរួមជាមួយក្រុមតោខៀវ Chelsea ប៉ុន្តែក្រុមលីកកំពូលអាល្លឺម៉ង់ Bundesliga មួយនេះចង់ពន្យាពេលការផ្ទេរនេះរហូតដល់ដំណាច់ខែសីហា។

៣៩-ខ្សែការពារស្លាបឆ្វេងរបស់ក្រុម Ajax និងជាកីឡាករអាហ្សង់ទីន Nicolas Tagliafico វ័យ២៧ ឆ្នាំគឺជាគោលដៅផ្ទេរដ៏មានសក្តានុពលសម្រាប់ក្រុម Manchester City នៅរដូវក្តៅនេះ។

៤០-ខ្សែបម្រើសញ្ជាតិអេស្ប៉ាញ Thiago Alcantara វ័យ២៩ឆ្នាំមានទំនុកចិត្តថានឹងផ្លាស់ទៅលេងនៅហង្សក្រហម Liverpool បន្ទាប់ពីរូបគេមិនបន្តកុងត្រាថ្មីជាមួយក្លឹប Bayern Munich ។

៤១-ក្លឹប Arsenal ចង់ជ្រើសរើសខ្សែការពារបារាំងអាយុក្រោម២១ឆ្នាំ Malang Sarr ប៉ុន្តែកីឡាកររូបនេះ អាចផ្ទេរដោយឥតគិតថ្លៃពីក្លឹប Nice ត្រូវបានក្លឹបនៅអ៊ីតាលីនិងអាឡឺម៉ង់ចង់ប្រជែងដែរ។

៤២-ក្រុមបិសាចក្រហម Manchester United បានយល់ព្រមលើកិច្ចព្រមព្រៀងជាមួយខ្សែការពារស្លាបឆ្វេង Alvaro Fernandez Carreras របស់ក្លឹប Real Madrid វ័យ១៧ឆ្នាំដែលនឹងបន្តកុងត្រារយៈពេល៤ឆ្នាំនៅទឹកដី Old Trafford ។

៤៣-អតីតគ្រូបង្វឹកក្លឹប Southampton និង Tottenham លោក Mauricio Pochettino ស្ថិតក្នុងបញ្ជីជ្រើសរើសបេក្ខជននៅឯក្លឹប Inter Milan និងក្រុម Juventus ប្រសិនបើក្លឹបបណ្តេញលោក Antonio Conte និងលោក Maurizio Sarri នៅចុងបញ្ចប់នៃរដូវកាលនេះ។

៤៤-គ្រូបង្វឹក Inter Milan លោក Conte ត្រូវតែបញ្ចុះបញ្ចូលក្រុមប្រឹក្សាភិបាលរបស់ក្លឹបឱ្យយល់ព្រមលើប្រាក់ខែរបស់ N’Golo Kante និងចុះហត្ថលេខាលើខ្សែបម្រើសញ្ជាតិបារាំងវ័យ២៩ឆ្នាំរូបនេះមកពីក្លឹបតោខៀវ Chelsea ។

៤៥-ខ្សែការពារសញ្ជាតិអាល់ហ្សេរី Yasser Larouci វ័យ១៩ឆ្នាំគ្រោងនឹងចាកចេញពី Liverpool នៅរដូវក្តៅនេះដោយក្លឹប Leeds និង Brentford កំពុងចាប់អារម្មណ៍ក្នុងការចុះហត្ថលេខាលើកីឡាកររូបនេះ។

៤៦-ក្លឹប Tottenham អាចនឹងគ្មានខ្សែការពារវ័យ២៧ឆ្នាំ Serge Aurier សម្រាប់ការប្រកួតដែលនៅសល់បន្ទាប់ពីគាត់បានត្រឡប់ទៅកាន់ប្រទេសបារាំងដោយមូលហេតុស្លាប់បងប្រុសរបស់គាត់។

៤៧-ក្លឹប Everton បានផ្តល់សំណើសម្រាប់ខ្សែបម្រើ Allan របស់ក្លឹប Napoli ប៉ុន្តែក្លឹបអ៊ីតាលីកំពុងតែស្ថិតក្នុងកិច្ចព្រមព្រៀងសម្រាប់កីឡាករអន្តរជាតិប្រេស៊ីលវ័យ២៩ឆ្នាំរូបនេះ។

៤៨-ក្រុម Manchester City បានយល់ព្រមលើលក្ខខណ្ឌផ្ទាល់ខ្លួនជាមួយខ្សែការពារស្លាបអេស្ប៉ាញ Ferran Torres វ័យ២០ឆ្នាំ។

៤៩-ក្រុមបិសាចក្រហម Manchester United មិនមានគម្រោងក្នុងការលក់ខ្សែការពារសញ្ជាតិអាហ្សង់ទីន Marcos Rojo វ័យ៣០ឆ្នាំទេ បន្ទាប់ពីការខ្ចីជើងជាមួយក្រុម Estudiantes។

៥០-អតីតខ្សែការពារកីឡាករ Ezequiel Schelotto វ័យ៣១ឆ្នាំបានបង្ហើបថា បានចាកចេញពី Brighton ហើយបានកំណត់គោលដៅវិលត្រឡប់ទៅកាន់ក្លឹបមួយនៅ Serie A វិញ។

៥១-ក្លឹប West Ham, Norwich និង Watford កំពុងតាមប្រមាញ់ដើម្បីចុះហត្ថលេខាលើខ្សែបម្រើ Ryan Manning វ័យ២៤ឆ្នាំរបស់សាធារណរដ្ឋអៀរឡង់។

៥២-គ្រូបង្វឹកក្លឹប Leicester គឺលោក Brendan Rodgers កំពុងតាមដានលើកីឡាករ Amadou Diawara របស់ក្រុម Roma ។ ខ្សែបម្រើសញ្ជាតិហ្គីណេវ័យ២៣ឆ្នាំរូបនេះក៏បានទាក់ទងជាមួយក្រុម Tottenham និង Newcastle ផងដែរ ៕

ដោយ៖ភារៈ