សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ស្ត្រីសង្ស័យជាកម្មការិនីម្នាក់ត្រូវបានសមត្ថកិច្ចនគរបាលក្រុងបាវិតឃាត់ខ្លួនបន្ទាប់ពីម្ចាស់ម៉ូតូដាក់ពាក្យបណ្ដឹងមកសមត្ថកិច្ចហើយមកពិនិត្យកាំម៉ារាសុវត្តិភាពក្នុងរោងចក្រនៅក្នុងតំបន់សេដ្ឋកិច្ចពិសេសមេនហាតធេនក្រុងបាវិត។
ការឃាត់ខ្លួនស្ត្រីសង្ស័យខាងលើវេលាម៉ោង៩ព្រឹកថ្ងៃទី២៣ខែកក្កដាឆ្នាំ២០២០ស្ថិតនៅក្នុង ភូមិថ្នាញ សង្កាត់បាទី ក្រុងបាវិត ខេត្តស្វាយរៀង។
សមត្ថកិច្ចនគរបាលក្រុងបាវិតបានអោយដឹងថាស្ត្រីសង្ស័យមានឈ្មោះសែន សាវីន អាយុ៣៧ឆ្នាំ មុខរបរកម្មការិនីរោងចក្រ មានទីលំនៅភូមិអង្គតាមោគ ឃុំប្រសូត្រ ស្រុកស្វាយទាប ខេត្តស្វាយរៀង។
ចំណែកម្ចាស់ម៉ូតូមានឈ្មោះល័ស ម៉ែន អាយុ៣៣ឆ្នាំ មុខរបរកម្មការិនីរោងចក្រមានទីលំនៅភូមិតាដែវ ឃុំមេសថ្ងក ស្រុកចន្ទ្រា ខេត្តស្វាយរៀង។
ម៉ូតូដែលលួចបាត់ម៉ាកហុងដាសេ១២៥ពណ៌ខ្មៅស្លាកលេខស្វាយរៀង១J.០២៧៧ ផលិតឆ្នាំ២០១៦។
ប្រភពបន្តថានៅព្រឹកថ្ងៃ២៣ ខែកក្កដា ឆ្នាំ២០២០កលាំងជំនាញនគរបាលក្រុងបាវិតបានទទួលពាក្យបណ្ដឹង១ច្បាប់ពីម្ចាស់ម៉ូតូថានៅថ្ងៃទី២២ ខែកក្កដា ឆ្នាំ២០២០វេលាម៉ោង៤៖១០នាទីល្ងាចពេលខ្លួនចេញពីធ្វេីនៅរោងចក្រដើរមករកមេីលម៉ូតូដែលបញ្ឈរទុកដូចសព្វដងមិនឃើញមានការភ្ញាក់ផ្អើលតែម្ដង។
ក្រោយពីទទួលពាក្យបណ្តឹងរួចសមត្ថកិច្ចបានទៅដល់រោងចក្រគុយហ័រស្ថិតនៅក្នុងតំបន់សេដ្ឋកិច្ចពិសេសមេនហាតធេនស្ថិតនៅក្នុងភូមិថ្នាញ សង្កាត់បាទី ក្រុងបាវិត ខេត្តស្វាយរៀងដេីម្បីសហការជាមួយរោងចក្រពិនិត្យតាមកាំម៉ារាសុវត្ថិភាពបានកំណត់មុខសញ្ញាម្នាក់ជាស្រីដែលបម្រើការនៅរោងចក្រនោះរួចក៏បានឃាត់ខ្លួនមកអធិការដ្ឋាននគរបាលក្រុងបាវិតដេីម្បីធ្វេីការសាកសួរ។
នៅចំពោះសមត្ថកិច្ននគរបាលជនសង្ស័យបានសារភាពថាខ្លួនពិតជាបានធ្វើសកម្មភាពលួចយកម៉ូតូប្រាកដមែនបន្ទាប់ពីលួចបានហេីយខ្លួនបានជិះយកបញ្ចាំនៅផ្សារប្រសូត្រស្រុកស្វាយទាបក្នុងតំម្លៃ ៣៥០$ ផងដែរ។
បច្ចប្បន្នស្ត្រីសង្ស័យត្រូវបានសមត្ថកិច្ចឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងបាវិត ដេីម្បីកសាងសំណុំរឿងបញ្ជួនទៅការរិយាល័យជំនាញខេត្តចាត់ការបន្តតាមច្បាប់។
ដោយ៖យឹម សុថាន
