សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃទី២៤ ខែកក្កដា ឆ្នាំ២០២០នេះ លោក វ៉ា សាវឿន ចៅសង្កាត់ចោមចៅទី៣ បានដឹកនាំក្រុមការងារសង្កាត់ចុះពិនិត្យផ្លូវមួយខ្សែ ដែលមានប្រវែងប្រហែល២០០ម៉ែត្រដែលរងនូវការលិចទឹក ស្ថិតនៅក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ និងដាក់គ្រឿងចក្រកាយតាមបណ្តោយផ្លូវខាងលើដើម្បីដាក់លូរំដោះទឹកកុំឲ្យមានការជន់លិចជាហេតុធ្វើឲ្យប្រជាពលរដ្ឋដែលរស់នៅតាមបណ្តោយផ្លូវនោះមានការលំបាកក្នុងការធ្វើដំណើរ និងប្រកបមុខរបរផ្សេងៗ។
លោកវ៉ា សាវឿន ចៅសង្កាត់បានឲ្យដឹងថា កន្លងមកផ្លូវខាងលេីមិនដែលមានការលិចលង់នោះទេ តែក្រោយពីប្រជាពលរដ្ឋចាក់ដីលុបបឹងរបស់គាត់ទើបធ្វេីឲ្យភ្លៀងមកម្តងៗលិចផ្លូវចូលផ្ទះបែបនេះ ។ ដោយសារតែឃេីញការលំបាករបស់ប្រជាពលរដ្ឋបែបនេះទេីបលោកដឹកនាំកម្លាំងចុះពិនិត្យនិងដាក់គ្រឿងចក្រកាយដាក់ប្រព័ន្ធលូដេីម្បីរំដោះទឹកចេញងាយស្រួលក្នុងការធ្វេីដំណេីរ។
ក្នុងការកាយដាក់លូខាងលើ អាជ្ញាធរសង្កាត់ចោមចៅទី៣ សូមសំណូមពរដល់ប្រជាពលរដ្ឋដែលរស់នៅតាមបណ្តោយផ្លូវខាងលើមេត្តាសហការទាំងអស់គ្នា ដើម្បីឲ្យមានភាពងាយស្រួលក្នុងការស្ថាបនានិង រំដោះទឹកលែងឱ្យមានការជន់លិចទីនោះទៀត៕ដោយ៖សុខាសែនជ័យ
