សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖នៅថ្ងៃទី២៨ ខែកក្តដា ឆ្នាំ២០២០ វេលាម៉ោង ១២៖០០នាទី ស្ថិតក្នុងភូមិក្តីថ្ក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្តសហការជាមួយជំនាញស្រុកស្រីសន្ធរដឹកនាំដោយលោកវរសេនីយ៍ទោស្រី សុគន្ធ នាយការិយាល័យប្រឆាំងគ្រឿងញៀនខេត្ត បានចុះបង្ក្រាបករណីជួញដូរដោយខុសច្បាប់នូវសារធាតុញៀនដោយឃាត់ខ្លួនបានជនសង្ស័យចំនួន៤នាក់(ស្រី១នាក់)ដែលមានឈ្មោះដូចខាងក្រោម៖
១-ឈ្មោះខាត់ យ៉េម ភេទស្រី អាយុ៦០ឆ្នំា សញ្ជាតិខ្មែរ នៅភូមិក្តីថ្ក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម។
២-ឈ្មោះលីម ឆេងហ៊ុយ ភេទប្រុស អាយុ២០ឆ្នំា សញ្ជាតិខ្មែរ នៅភូមិស្វាយម៉ូ ឃុំព្រែកដំបូក ស្រុកស្រីសន្ធរ ខេត្តកំពង់ចាម។
៣-ឈ្មោះពៅ ប៊ុននី ភេទប្រុស អាយុ៣១ឆ្នំា សញ្ជាតិខ្មែរ នៅភូមិរកាទ្វារ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម។
៤-ឈ្មោះគីម អានពេជ្រ ភេទប្រុស សញ្ជាតិខ្មែរ អាយុ២១ឆ្នាំ នៅភូមិតាំងក្រាំង ឃុំជីបាល ស្រុកស្រីសន្ធរ ខេត្តកំពង់ចាម។
ក្រោយឃាត់ខ្លួនសមត្ថកិច្ចដកហូតបានវត្ថុតាងរួមមាន៖ ម្សៅក្រាមពណ៌សថ្លាសង្ស័យជាថ្នាំញៀនចំនួន២០កញ្ចប់(ធំ១កញ្ចប់) ទូរស័ព្ទចំនួន៤គ្រឿង ម៉ូតូចំនួន២គ្រឿង កាំភ្លើងកែច្នៃចំនួន២ដេីម ដាវចំនួន២ដេីម និងសម្ភារវេចខ្ចប់មួយចំនួនធំ។
បច្ចុប្បន្នជនសង្ស័យខាងលើ កម្លាំងជំនាញបាននាំមកការិយាល័យដើម្បីធ្វើការស្រាវជ្រាវនិងកសាងសំណុំរឿងតាមនីតិវិធីច្បាប់៕ដោយ៖ស សម
