សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក លឹម ជាឡាយ ដែលជាតារាសម្ដែងដ៏ល្បីឈ្មោះ និងស្រស់សង្ហារម្នាក់ សង្ស័យតែស្រវឹងស្រាបានបេីករថយន្តLexlis RX400h ជ្រុលចង្កូតទៅបុកជញ្ជាំងផ្ទះប្រជាពលរដ្ឋរួមនិងបង្គោលភ្លេីងបណ្ដាលឲ្យរថយន្តរងការខូចខាតយ៉ាងដំណំ បង្កការភ្ញាក់ផ្អេីលកាលពីវេលាម៉ោង១១ និង៤០នាទីយប់ ថ្ងៃទី២៩ ខែកក្កដា ឆ្នាំ២០២០ នៅតាមបណ្ដោយផ្លូវ២០០២ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
បេីតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកេីតហេតុបានឲ្យដឹងថា មុនពេលកេីតហេតុ គេឃេីញរថយន្តបង្កម៉ាក Lexlis RX400h ពណ៌ស ពាក់ស្លាកលេខ កណ្ដាល 2B-0018 ដែលអ្នកបេីកបរគឺជាតារាសម្ដែងលោក លឹម ជាឡាយ បានធ្វេីដំណេីរតាមបណ្ដោយផ្លូវ២០០២ ទិសដៅពីកេីតមកលិច លុះមកដល់កន្លែងកេីតហេតុ ដោយសង្ស័យរូបគាត់ស្រវឹងស្រាក៏រេចង្កូតទៅបុកនឹងជញ្ជាំងផ្ទះប្រជាពលរដ្ឋ រួមនិងបង្គោលភ្លេីងរងការខូចខាតតិចតួចប៉ុណ្ណោះ ក៏ប៉ុន្តែរថយន្តបង្កវិញបានរងការខូចខាតផ្នែកខាងមុខយ៉ាងដំណំ សំណាងល្អដែរដែលមិនធ្វេីឲ្យតារាសម្ដែង និងប្រជាពលរដ្ឋណាម្នាក់រងរបួស ។
ក្រោយកេីតហេតុភ្លាមៗ សមត្ថកិច្ចមូលដ្ឋានបានចុះមកដល់កន្លែងកេីតហេតុដែរ តែដោយពិនិត្យស្ថានភាពត្រង់ចំណុចដែលរថយន្តបង្កបានបុកគឺមិនខូចខាតធ្ងន់ធ្ងរ ទេីបសម្រេចចិត្តប្រគល់រថយន្តបង្កឲ្យទៅម្ចាស់អូសយកទៅផ្ទះ ឬក៏ជួសជុលដោយខ្លួនឯងដេីម្បីបញ្ចប់រឿង ៕ដោយ ៖ ភារ៉ា ដង្កោ
