សារព័ត៌មាន នគរវត្ត តែងតែនាំមុខគេជានិច្ច
លោក Marcelo Bielsa បានក្លាយទៅជាគ្រូបង្វឹករកប្រាក់ចំណូលច្រើនលំដាប់ទី៦នៅក្នុងក្របខ័ណ្ឌកំពូលរបស់អង់គ្លេសក្រោយចុះកុងត្រាថ្មីជាមួយនឹងក្លិបបាល់ទាត់Leeds United។
គ្រូបង្វឹកសញ្ជាតិអាហ្សង់ទីនវ័យ៦១ឆ្នាំនេះបានជួយក្រុមLeeds Unitedឡើងមកលេង Premier Leagueវិញក្រោយពួកគេបានធ្លាក់ចេញពីក្របខ័ណ្ឌកំពូលរបស់អង់គ្លេសនេះអស់រយះពេល១៦ឆ្នាំ។
Leeds Unitedនឹងផ្តល់ថ្លៃឈ្នួលដល់លោក Marcelo Bielsa ៨លោនផោនក្នុង១ឆ្នាំ ខណៈលោក Solskjaerទទួលបានថ្លៃឈ្នួលត្រឹមតែ 7,5លានផោនប៉ុណ្ណោះក្នុងមួយឆ្នាំនៅក្នុងក្លិបបិសាចក្រហមManchester United។
គ្រូបង្វឹកដែលរកចំណូលខ្ពស់ជាងគេនៅអង់គ្លេស Premier Leagueគឺលោក Pep Guardiolaរបស់ក្លិប Manchester Cityទទួលបាន២០លានផោនក្នុងមួយឆ្នាំ។ គ្រូបង្វឹកហង្សក្រហមLiverpool លោក Jurgen Klopp និងគ្រូបង្វឹកមាន់ខ្នាយមាសTottenham លោក Jose Mourinho មានថ្លៃឈ្នួលស្មើគ្នា១៥លានផោនក្នុងមួយឆ្នាំ ៕ដោយ៖ភារៈ
