សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ អតីតមន្ត្រីគណបក្សសាធារណរដ្ឋដល់ទៅ៧០រូប បានថ្កោលទោស លោកត្រាំ ដោយងាកទៅគាំទ្រគណបក្សប្រជាធិបតេយ្យវិញ មិនតែប៉ុណ្ណោះ ក៏បានអំពាវនាវឲ្យពលរដ្ឋបោះឆ្នោតជូនបេក្ខភាព ចូបៃឌិន «Joe Biden»។
អតីតមន្ត្រីគណបក្សសាធារណរដ្ឋធ្លាប់បម្រើរដ្ឋាភិបាលរបស់អតីតប្រធានាធិបតី George W. Bush, George HW Bush, Ronald Reagan។ ក្នុងចំណោមអតីតមន្ត្រីគណបក្សសាធារណរដ្ឋ ក្នុងនោះមាន លោកMiles Taylor អតីតរដ្ឋមន្ត្រីក្រសួងសន្តិសុខជាតិ ។ លោក Miles Taylor ក៏ជាបុគ្គលដែលបានលាតត្រដាងពីគោលបំណងចង់ប្តូរកោះPuerto Rico យកកោះGreenland របស់ប្រទេសដាណឺម៉ាកវិញ។
ក្រុមអតីតមន្ត្រីគណបក្សសាធារណរដ្ឋទាំង៧០រូប បានសរសេរនៅក្នុងលិខិតមួយមានខ្លឹមសារថា« ក៏ដូចជាពលរដ្ឋអាមេរិកគ្រប់រូប យើងសង្ឃឹមថា ប្រធានាធិបតីដូណាល់ត្រាំ នឹងដឹកនាំប្រទេសដោយភាពវៃឆ្លាត។ ផ្ទុយទៅវិញ លោកត្រាំបានធ្វើឲ្យពលរដ្ឋរាប់សិប លាននាក់ ខកចិត្ត អស់ទំនុកចិត្ត ដូច្នេះលោកត្រាំមិនមានសមត្ថភាពក្នុងការដឹកនាំអាមេរិក ១អាណត្តិទៀតឡើយ»។
អតីតមន្ត្រីអាមេរិក បានលើកឡើងថា លោកត្រាំកំពុងតែ បំផ្លាញអំណាចដឹកនាំរបស់អាមេរិក ។ ទាំងនោះហើយទើបអតីតមន្ត្រីអាមេរិក ស្នើឲ្យរារាំងការវាយប្រហារបំផ្លាញតម្លៃរបស់អាមេរិក៕
ដោយ៖ធី រីណា
