សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បន្ទាប់ពីមានព័ត៌មានមួយដែលចែកចាយពេញបណ្ដាញសង្គមក្នុងរូបភាពបំភ្លៃថា កម្ពុជារកឃើញអ្នកឆ្លងជំងឺកូវីដ–១៩ ចំនួន២៣នាក់ថ្មីទៀតនោះ អ្នកនាំពាក្យក្រសួងសុខាភិបាលកម្ពុជា លោកស្រី ឱ វណ្ណឌីន បានចេញប្រតិកម្មច្រានចោលភ្លាមៗ ចំពោះព័ត៌មានបំភ្លៃមួយនេះដោយលោកស្រី បានបកស្រាយបំភ្លឺវិញថា គ្មានករណីរកឃើញថ្មីនោះឡើយនៅកម្ពុជា។
លោកស្រីអ្នកនាំពាក្យរូបនេះ បានចេញប្រតិកម្មចំពោះទង្វើបំពុលសង្គមពីសំណាក់ជនអគតិទាំងនេះ ហើយក៏បានទទូចឲ្យសមត្ថកិច្ចចាត់វិធានការផ្តន្ទាទោសតាមច្បាប់ចំពោះជនទាំងនោះដើម្បីកុំឱ្យមានការបំភ្លៃព័ត៌មាន បង្កការយល់ច្រឡំពីសាធារណមតិតទៅទៀត៕ដោយ៖ស តារា
