Arsenal ប៉ះ Leicester ខណៈ Man City ត្រូវប៉ះCrystal Palace ឬBournemouth ក្នុងវគ្គជម្រុះ EFL Cup ជុំទី៣រដូវកាលថ្មី

ចែករំលែក៖

ក្រុមកាំភ្លើងធំ Arsenal នឹងធ្វើដំណើរទៅជួបក្រុម Leicester City នៅជុំទី៣ នៃពានរង្វាន់ EFL Cup ខណៈអតីតម្ចាស់ជើងឯកក្រុមមេឃខៀវ Manchester City ត្រូវជួបក្រុម Bournemouth ឬ Crystal Palace ហើយក្រុម Liverpool នឹងប៉ះក្រុម Bradford City ឬ Lincoln City ។

ជាមួយនឹងការប្រកួតប្រជែងត្រូវបានកាត់បន្ថយសម្រាប់រដូវកាលថ្មី ដោយសារតែវិបត្តិកូវីដ-១៩ធ្វើឲ្យរាំងស្ទះកាលពីរដូវកាលមុន ដែលការចាប់ឆ្នោតសម្រាប់ជុំទី២ និងទី៣ ត្រូវបានធ្វើឡើងកាលពីថ្ងៃអាទិត្យកន្លងទៅ។

ការចាប់ផ្តើមនៃការប្រកួតរបស់ក្រុមកាំភ្លើងធំទៅកាន់ពហុកីឡដ្ឋានឃីមផៅវើរ ខណៈពេលដែលក្រុមMan City ដែលបានយកឈ្នះក្រុម Aston Villa ដើម្បីបានឈ្នះពានរង្វាន់កាលពីរដូវកាលមុន មានសង្ឃឹមខ្ពស់ក្នុងការឆ្លងផុតជុំទី៣នៃការប្រកួតជម្រុះ ព្រោះប៉ះក្រុមដែលមានសមត្ថភាពទាបជាងខ្លួនគឺក្រុម Bournemouth ឬ Crystal Palace។

ក្រុមហង្សក្រហម Liverpool នឹងធ្វើដំណើរទៅជួបក្រុមលីគទី២ ហើយក្រុមបិសាចក្រហម Manchester United ក៏នឹងត្រូវប៉ះក្រុមនៅលីគទី២ក្របខ័ណ្ឌអង់គ្លេស Championship ប៉ះក្រុម Reading ឬ Luton Town ។

ចំណែកក្រុម Everton ត្រូវឆ្លងកាត់ការប្រកួតដោយប៉ះក្រុម Salford City ក្នុងជុំទី២ ហើយអាចប៉ះក្រុម Fleetwood Town ឬ Port Vale ដែលត្រូវលេងក្នុងការប្រកួតជម្រុះនេះដែរ។

ដោយឡែកក្រុម Leyton Orient ឬ Plymouth នឹងធ្វើជាម្ចាស់ផ្ទះទទួលក្រុម Tottenham របស់លោក Jose Mourinho នៅជុំទី៣ ខណៈដែលក្រុមតោខៀវ Chelsea នឹងត្រូវប្រកួតជាមួយក្រុម Middlesbrough ឬ Barnsley ។