សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ប្រុសស្អាត ស្រីស្អាត ២ក្រុម បានបេីករថយន្តស៊េរីទំនើប២គ្រឿងប៉ះទង្គិចគ្នាបណ្ដាលឲ្យរងការខូចខាត និងមានភាគីម្ខាងបេីករត់តាំងពីផ្លូវព្រះសុធារសក្បែរផ្សារទំនើបអុីអន១ ក្នុងសង្កាត់ទន្លេបាសាក់ ខណ្ឌចំការមន មកដល់ផ្លូវម៉ៅសេទុងកែងនឹងផ្លូវត្រសក់ផ្អែម ទើបធ្វើការឃាត់រថយន្តបង្កបាននៅវេលាម៉ោង១រំលងអធ្រាត្រឈានចូលថ្ងៃទី៩ ខែកញ្ញាឆ្នាំ២០២០ ។
បេីតាមប្រភពព័ត៌មានពីក្រុមស្រីស្អាតដែលជិះរថយន្តរងគ្រោះម៉ាក Lexus NX200t ពណ៌ខ្មៅ ពាក់ស្លាកលេខភ្នំពេញ2AU-2262 ពួកគេបានជិះរថយន្តមកដល់ម្តុំផ្សារអុីអន១ ស្រាប់តែមានរថយន្តបង្កម៉ាក មែរសឺដេស ពណ៌ខ្មៅ ពាក់ស្លាកលេខ ភ្នំពេញ 2S-2627 ជិះដោយក្រុមប្រុសៗមានគ្នាប្រមាណ៣-៤នាក់ បានមកបុករថយន្តគាត់ពីចំហៀងបណ្តាលឲ្យរងការខូចខាត។
ក្រោយកេីតហេតុភ្លាមៗ ក្រុមប្រុសស្អាតដែលជិះរថយន្តបង្កបុករថយន្តក្រុមស្រីស្អាតរួចហើយនោះ គឺមិនបានឈប់ទទួលខុសត្រូវទេ គឺបានព្យាយាមបើកគេចខ្លួន តែត្រូវក្រុមភាគីរងគ្រោះបើករថយន្តដេញតាមពីកន្លែងកេីតហេតុនៅក្បែរផ្សារអុីអន១ រហូតមកដល់ចំណុចផ្លូវម៉ៅសេទុងកែងនឹងផ្លូវត្រសក់ផ្អែមទើបធ្វើការឃាត់រថយន្តបង្កនោះបាន ។
ក្នុងអំឡុងពេលឃាត់រថយន្តបង្កបាន ហើយភាគីទាំងពីរបានជជែកគ្នាយ៉ាងខ្លាំងផងដែរ តែចុងក្រោយភាគីខាងរថយន្តបង្កប្រុសស្អាត បានព្រមសងថ្លៃខូចខាតចំនួន៣០០ដុល្លារទៅលេីរថយន្តរងគ្រោះភាគីស្រីស្អាត ដើម្បីបញ្ចប់រឿងតែម្ដង៕
ដោយ៖ ភារ៉ា ដង្កោ
