សារព័ត៌មាន នគរវត្ត តែងតែនាំមុខគេជានិច្ច
ក្លិប Everton បានចុះហត្ថលេខាទិញយកបានខ្សែបម្រើប្រយុទ្ធសញ្ជាតិកូឡុំប៊ី James Rodriguez ពីក្លិបReal Madrid ក្នុងកិច្ចព្រមព្រៀងតម្លៃ២០លានផោន។ កីឡាករវ័យ២៩ឆ្នាំរូបនេះបានចូលរួមជាមួយក្រុម Everton ក្នុងកិច្ចសន្យារយៈពេល២ឆ្នាំជាមួយនឹងជម្រើសលេង១រដូវកាលទៀត។
កីឡាកររូបនេះបានចូលរួមជាមួយ Real Madrid ក្រោយពីចេញពី Monaco ក្នុងឆ្នាំ២០១៤ បន្ទាប់ពីឈ្នះស្បែកជើងមាសក្នុងព្រឹត្តិការណ៍ World Cup នៅប្រេស៊ីលនារដូវក្តៅនោះ។
Rodriguez បាននិយាយថា “ខ្ញុំពិតជារីករាយខ្លាំងណាស់ដែលបាននៅក្លិបដ៏អស្ចារ្យនេះដែលជាក្លិបមួយមានប្រវតិ្តសាស្រ្តជាច្រើនហើយនៅទីនេះជាមួយអ្នកចាត់ការទូទៅដែលស្គាល់ខ្ញុំច្បាស់។ ខ្ញុំទន្ទឹងរង់ចាំទទួលបាននូវអ្វីដែលអស្ចារ្យនៅទីនេះ និងការឈ្នះអ្វីដែលជាគោលបំណងរបស់មនុស្សគ្រប់គ្នា។ ខ្ញុំបានមកទីនេះដើម្បីព្យាយាមធ្វើឱ្យប្រសើរឡើងដើម្បីក្លិប ហើយខ្ញុំមកទីនេះដើម្បីជួយក្រុមឱ្យឈ្នះការប្រកួតបាល់ទាត់នៅក្នុងលីកដែលល្បីល្បាញជាងគេ”។
នេះជាកីឡាករទី៣ ហើយដែលត្រូវបានចុះហត្ថលេខាក្រោមការដឹកនាំក្លិប Everton លោក Carlo Ancelotti ដោយ Rodriguez ធ្លាប់បានចូលរួមជាមួយលោកកាលនៅក្លិប Real Madrid និង Bayern Munich ។
លោក Ancelotti បាននិយាយថា “Rodriguez ដូចដែលអ្នកទាំងអស់គ្នាដឹងគឺជាកីឡាករដ៏អស្ចារ្យម្នាក់ដែលមានគុណភាពនិងសមត្ថភាពច្រើនក្នុងការជួយដល់ខ្សែប្រយុទ្ធ។ គាត់ពិតជារំភើបណាស់ចំពោះគម្រោងរបស់ក្លិប និងការពិតដែលយើងចង់ធ្វើឱ្យប្រសើរឡើង។ គាត់ពិតជារំភើបក្នុងការចុះហត្ថលេខា ហើយខ្ញុំមិនបានចំណាយពេលដើម្បីបញ្ចុះបញ្ចូលគាត់ទេគាត់ត្រូវបានគេជឿជាក់រួចទៅហើយ”។
Rodriguez គឺជាផ្នែកមួយនៃការកសាងឡើងស្នាដៃរបស់លោក Ancelotti នៅឯក្លិប Everton ដោយក្លិប បានចុះហត្ថលេខាលើកីឡាករ Allan របស់ប្រេស៊ីលដែលជាមិត្តរួមជាតិរបស់ក្លិប Napoli ហើយបានយល់ព្រមលើថ្លៃឈ្នួលសំរាប់ខ្សែបម្រើបារាំង Abdoulaye Doucoure របស់ Watford ។
កីឡាករសញ្ជាតិកូឡុំប៊ី Rodriguez ត្រូវបានបាត់បង់ឱកាសក្រោមការដឹកនាំរបស់លោក Zidane នៅឯកីឡដ្ឋាន Bernabeu និងត្រូវបានខកខានការហ្វឹកហាត់មុនបើករដូវកាលដោយអនាគតរបស់កីឡាកររូបនេះត្រូវបានលោកAncelotti ដែលជាគ្រូបង្វឹករបស់ក្រុម Everton ជំរុញឲ្យចុះហត្ថលេខាយកមកអង់គ្លេសតែម្តង ៕
