សារព័ត៌មាន នគរវត្ត តែងតែនាំមុខគេជានិច្ច
ក្រុមសេះបង្កង់ Juventus បានស្វាគមន៍កីឡាករ Alvaro Morata ត្រឡប់មកទីក្រុង Turin វិញមុនការរំពឹងទុករបស់ខ្សែប្រយុទ្ធរូបនេះនឹងវិលទៅចូលរួមជាមួយក្រុមជើងឯកអុីតាលី Serie A មួយនេះ។
Morata ត្រូវបានគេរាយការណ៍ថានឹងចូលរួមជាមួយ Juventus ក្នុងការខ្ចីប្រាក់ពីក្លិប Atletico Madrid ក្នុងកិច្ចព្រមព្រៀងមួយដែលនឹងចំណាយទឹកប្រាក់៩លានផោន ហើយក្លិបអុីតាលីក៏នឹងមានជម្រើសក្នុងការទិញផ្តាច់កីឡាករវ័យ២៧ឆ្នាំរូបនេះក្នុងតម្លៃ៤៥លានផោន។
ក្រុមសេះបង្កង់ Juventus ដែលបាននិងកំពុងស្វែងរកការដណ្តើមជើងឯកធំៗនៅរដូវកាលនេះបានស្វាគមន៍ Morata នៅពេលដែលគាត់បានទៅដល់ទីក្រុង Turin ប្រទេសអុីតាលី។ ស្របពេលកីឡាករ Gonzalo Higuain បានចាកចេញទៅចូលរួមជាមួយក្លិប Inter Miami របស់អាមេរិក ក្លិប Juventus ក៏បានចាប់អារម្មណ៍កីឡាករ Luis Suarez របស់ក្លិប Barcelona និង EdinDzeko របស់ក្រុម Roma ផងដែរ។Morata ធ្លាប់លេងនៅ Juventus ដោយរកបាន ២៧គ្រាប់ក្នុង៩៣ប្រកួតឆ្លងកាត់ពីររដូវកាលចន្លោះឆ្នាំ២០១៤ និងឆ្នាំ២០១៦ ។ បន្ទាប់មកគាត់បានវិលត្រឡប់ទៅកាន់ក្លិប Real Madrid មួយរដូវមុនពេលចូលរួមជាមួយក្លិបChelsea និងក្រោយមកទៅក្លិប Atletico Madrid ជាកន្លែងដែលគាត់រកគ្រាប់បាល់បាន១២គ្រាប់នៅ La Liga ក្នុង៣៤ ប្រកួតកាលពីរដូវកាលមុន។Juventus បានឈ្នះពានរង្វាន់អុីតាលី Serie A ចំនួន៩លើកជាប់ៗគ្នា និងបានបើកយុទ្ធនាការរដូវកាលថ្មីរបស់ពួកគេក្រោមការដឹកនាំរបស់លោកAndrea Pirlo ជាមួយនឹងជ័យជម្នះ ៣-០ លើក្រុម Sampdoria កាលពីថ្ងៃអាទិត្យកន្លងទៅ ៕
ដោយ៖ភារៈ
