សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់បានបេីករថយន្តស៊េរីទំនេីបម៉ាកមែរសឺដេសក្នុងល្បឿនលឿនជ្រុលទៅបុករថយន្តស៊េរីទំនេីបម៉ាកអូឌីដែលចតចោលជាប់ចិញ្ចេីមផ្លូវបណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី២៥ ខែកញ្ញា ឆ្នាំ២០២០ នៅផ្លូវបេតុងជួរមាត់ទន្លេ ខាងក្រោយផ្សារទំនេីបអ៉ីអន១ ស្ថិតក្នុងសង្កាត់ទន្លេបាសាក់ ខណ្ឌចំការមន។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តស៊េរីទំនេីបម៉ាកអូឌី ពណ៌ស ពាក់ស្លាកលេខភ្នំពេញ2R-1011 បានបេីក
មកចតនៅប្របចិញ្ចេីមផ្លូវនៅកន្លែងកេីតហេតុ បន្ទាប់មកស្រាប់តែមានបុរសជនជាតិចិនម្នាក់បេីករថយន្តស៊េរីទំនេីបម៉ាកមែរសឺដេស ពណ៌ស ពាក់ស្លាកលេខភ្នំពេញ2BM-6623 ក្នុងទិសដៅពីត្បូងទៅជេីងក្នុងល្បឿនលឿនក៏ជ្រុលទៅបុកពីក្រោយរថយន្តអូឌីពេញទំហឹងបណ្តាលឲ្យរងការខូចខាតយ៉ាងដំណំ តែសំណាងដែរដែលមិនមានមនុស្សរងរបួស។
ក្រោយកេីតហេតុសមត្ថកិច្ចមូលដ្ឋានបានចុះមកដល់និងបានទំនាក់ទំនងទៅជំនាញការិយាល័យចរាចរណ៍រាជធានីភ្នំពេញមកធ្វេីការវាស់វែងយករថយន្តទាំង២គ្រឿងទៅរក្សាទុករង់ចាំដោះស្រាយតាមច្បាប់៕ដោយ ៖ សុខាសែនជ័យ
