សារព័ត៌មាន នគរវត្ត តែងតែនាំមុខគេជានិច្ច
ពិភពលោក៖ តាមគេហទំព័រ Worldometers គិតដល់ម៉ោង១១ព្រឹកថ្ងៃទី៥ខែតុលា ឆ្នាំ២០២០ នៅទូទាំងពិភពលោកមានករណីឆ្លងកូវីដ-១៩ កើនឡើងដល់ទៅ ៣៥.៣៨៩.៦៩៤ នាក់ ក្នុងនោះស្លាប់១.០៤១.៥៤៣នាក់ និងព្យាបាលជាសះស្បើយ ២៦.៦១៤.៨៧៧នាក់។
ទ្វីបអាមេរិក ៖ ជាតំបន់រងផលប៉ះពាល់ខ្លាំងជាងគេបំផុតលើពិភពលោក ដោយមានអ្នកឆ្លងសរុប ជិត១៦លាននាក់ និងស្លាប់ជាង៥៧៧ពាន់នាក់។ អាមេរិកនៅតែជាប្រទេសរងផលប៉ះពាល់ខ្លាំងជាងគេ ក្នុងតំបន់ ដោយមានអ្នកឆ្លង ៧.៦៣៦.៩១២នាក់ ក្នុងនោះស្លាប់ ២១៤.៦១១នាក់។
ប្រទេសស្ថិតនៅលំដាប់ទីពីរក្នុងទ្វីប អាមេរិក គឺប្រេស៊ីល មានអ្នកឆ្លងសរុប ដល់ទៅ ៤.៩១៥.២៨៩នាក់ និងស្លាប់១៤៦.៣៧៥នាក់។ ប៉ុន្តែក្នុងរយៈពេល២៤ម៉ោងកន្លងមក ប្រេស៊ីលមានករណីឆ្លងធ្លាក់ចុះខ្លាំង គឺដល់ទៅ៣ដងបើប្រៀបធៀបមួយថ្ងៃមុន។ ទាំងនោះជាព័ត៌មានយ៉ាងល្អសម្រាប់ប្រេស៊ីល។
ក្រៅពីនេះកាណាដាស្ថិតនៅលំដាប់លេខ៣ក្នុងតំបន់ មានអ្នកឆ្លងសរុប១៦៦.៥៦៦ស្លាប់ ៩.៤៨១នាក់។
នៅទ្វីបអាស៊ី៖ មានករណីឆ្លងកូវីដ-១៩ សរុប១១.០៨៥.៩៥៥នាក់ និងស្លាប់២០១.៥០៤នាក់។ ក្នុងរយៈពេល២៤ម៉ោងកន្លងមក មានអ្នកឆ្លងដល់ទៅ១០៨.៤៨០ នាក់។ ឥណ្ឌាជាប្រទេសឆ្លងច្រើនជាងគេ មានដល់ទៅ ៦.៦២២.១៨០នាក់ និងស្លាប់១០២.៧១៤នាក់។ ឥណ្ឌាជាប្រទេសមានករណីឆ្លងច្រើនជាងគេលើពិភពលោកគិតក្នុងមួយថ្ងៃ ៗ ហើយកាលពីថ្ងៃទី៤ខែតុលា រកឃើញអ្នកឆ្លងដល់ទៅ៨០ពាន់នាក់។
ទ្វីបអឺរ៉ុប៖ មានអ្នកឆ្លងសរុប ៥.៣៣៦.២០០នាក់ និងស្លាប់ ២២៥.០៥៣ នាក់។ ប្រទេសដែលឆ្លងច្រើនជាងគេគឺរុស្ស៊ី មានអ្នកឆ្លងសរុបដល់ទៅ ១,២១៥,០០០នាក់ឈរលេខមួយក្នុងតំបន់និងលេខ៤លើពិភពលោក។
ទ្វីបអាហ្វ្រិក៖ មានអ្នកឆ្លងសរុប ១.៥០៦.១៨៥នាក់និងស្លាប់ ៣៦.៦១៤នាក់។ ជាមួយគ្នានោះក៏មានអ្នកព្យាបាលជាសះស្បើយកើនឡើងដល់ទៅ ១.២៤៣.២៥៩ នាក់។ ប្រទេសមានករណីឆ្លងច្រើនជាងគេគឺអាហ្វ្រិកខាងត្បូង មានអ្នកឆ្លង ៦៨១.២៨៩នាក់និងស្លាប់១៦.៩៣៨នាក់៕ដោយ៖ធី រីណា
