សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃព្រហស្បតិ៍៦រោចខែអស្សុជ ឆ្នាំជូត ទោស័ក ព.ស. ២៥៦៤ត្រូវនឹងថ្ងៃទី៨ ខែតុលាឆ្នាំ២០២០ វេលាម៉ោង៩ព្រឹក ក្រុមការងារគណៈកម្មាធិការ ស. អ. ក.ខណ្ឌសែនសុខដឹកនាំដោយលោកវរសេនីយ៍ទោ សារឹម វុទ្ធី អធិការរង តំណាងឱ្យលោកវរសេនីយ៍ឯក ហួរ ម៉េងវ៉ាង អធិការនិងជាប្រធានសមាគមស.អ. ក.ខណ្ឌសែនសុខ បាននាំយកថវិកាមរណៈសង្គ្រោះចំនួន៤.០០០.០០០រៀល( បួនលានរៀល) ទៅប្រគល់ជូនគ្រួសារសពលោកវ៉ាន់ សាវ៉េត ដែលបានទទួលមរណភាពកាលពីថ្ងៃទី៦ខែ សីហាឆ្នាំ២០២០កន្លងទៅនៅក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។
នៅក្នុងឱកាសនោះដែរក៏មានការអញ្ជើញចូលរួមពីលោកវរសេនីយ៍ត្រី មាស ដារា
មន្ត្រីយោធភូមិភាគពិសេសប្រចាំខណ្ឌ, លោកអនុសេនីយ៍ឯកជា ជៀកវៃ មេបញ្ជាការរងកងរាជអាវុធហត្ថខណ្ឌ,
លោកវរសេនីយ៍ត្រី សុខ សុផល ប្រធាន ស.អ.កសង្កាត់ទឺកថ្លា និងទីលោក លាងវិបុល អនុប្រធានប្រចាំការ ស. អ. កខណ្ឌ។
លោកវរសេនីយ៍ទោ សារឹម វុទ្ធី អធិការរងខណ្ឌបានឲ្យដឹងថា៖ ដោយមានការយកចិត្តទុកដាក់ពីសំណាក់ថ្នាក់ដឹកនាំខណ្ឌទើបលោកអធិការបានចាត់ឲ្យលោកចូលរួមដឹកនាំយកថវិកាមរណៈសង្គ្រោះចំនួន៤ ០០០ ០០០រៀល( បួនលានរៀល)មកប្រគល់ជូនគ្រួសារសពលោកវ៉ាន់ សាវ៉េត ដែលបានទទួលមរណភាពកាលពីថ្ងៃទី៦ខែសីហាឆ្នាំ២០២០កន្លងទៅស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ៕
ដោយ៖ ចន្ទ លីហ្សា
