សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមការសង្កេតមើលពីទិដ្ឋភាពជាក់ស្តែងមួយចំនួន ដែលបានឆ្លុះបញ្ជាំងឲ្យឃើញថា មនុស្សជាច្រើនបានបង្កើតទម្លាប់អាក្រក់មួយនៅពេលញុំអីរួច តែងតែទុកចានចោល មិនលាង ទាំងនេះហើយដែលនាំឲ្យសុខភាពរបស់ពួកគេទ្រុឌទ្រោមដោយមិនដឹងខ្លួន។
តោះបើចង់ដឹងច្បាស់សូមអានព័ត៍មានលំអិតមានដូចខាងក្រោម៖
១. ត្រាំចានចោលរយៈពេលយូរ៖ ក្រោយញ៉ាំរួច មនុស្សជាច្រើនតែងតែហត់ឬងងុយគេងជាដើម ហេតុនេះពួកគេក៏សម្រេចចិត្តថាទុកចានចោលមួយសន្ទុះសិន ហើយខ្លះថែមទាំងត្រាំចានចោលអស់មួយយប់ទៀត ទាល់តែព្រឹកឡើងទើបប្រមូលលាងក៏មាន។ នេះ ជាកំហុសមួយព្រោះសំណល់ម្ហូបអាហារលើចាន នឹងក្លាយជាបាក់តេរីយ៉ាងច្រើន ហើយបើអ្នកមិនបានលាងដោយប្រុងប្រយ័ត្នទៀត វានឹងឆ្លងចូលរាងកាយហើយនេះនៅមិនទាន់រាប់បញ្ចូលពេលអ្នកត្រាំចង្កឹះដែលធ្វើពីឬស្សី ឬ ឈើផង។ ដូច្នេះ វិធីល្អបំផុតសម្រាប់ការលាងចាននិងចង្កឹះបានត្រឹមត្រូវ គឺលាងក្រោយញ៉ាំរួចភ្លាមៗ ព្រោះអាចចៀសវាងបាក់តេរីនិងផ្សិតកកកុញលើចានបាន។
២. ចាក់សាប៊ូផ្ទាល់លើចានតែម្តង៖ យកសាប៊ូរោយលើចានដោយផ្ទាល់តែម្តង ធ្វើឲ្យកំណកសាប៊ូជាប់លើចាន និងពិបាកដុសលាងឲ្យស្អាត១០០%។ បើលាងមិនស្អាត សារធាតុសាប៊ូនឹងចូលទៅបំផ្លាញស្រទាប់ក្រពះ ដែលបណ្តាលឲ្យរាគបាន។ វិធីត្រឹមត្រូវ គឺត្រូវរកកាធុនធំល្មមមួយដោយចាក់សាប៊ូលាយជាមួយទឹក បន្ទាប់មកទើបលាងចាននៅក្នុងនេះ។ លើសពីនេះ ក្រោយពីលាងចាននិងចង្កឹះជាមួយសាប៊ូរួច អ្នកគួរលាងជាមួយទឹកស្អាតចំនួន២ -៣ដង បន្ថែមទៀត។ ចំពោះសមវិញ អ្នកគួរលាងទឹកក្តៅជំនួសការប្រើសាប៊ូ ដែលនេះក៏ជាវិធីល្អមួយដែរ។
៣. យកប៉ុងលាងចាន ទៅជូតជញ្ចាំងផ្ទះបាយ ឬប្រើចម្រុះ៖
កុំប្រើប៉ុងសម្រាប់លាងចានផង ជូតជញ្ចាំងផង ឬកន្លែងផ្សេងៗក្នុងផ្ទះបាយឲ្យសោះ។ អ្នកគួរបែងចែកឲ្យដាច់ មិនត្រូវប្រើលូកឡំគ្នាឡើយ ព្រោះនេះជាកំហុសដ៏ធំមួយដែលបំផ្លាញសុខភាពបំផុត។ ម្យ៉ាងទៀត ក្រោយពីប្រើប៉ុងលាងចានរួច គួរជម្រះវាជាមួយទឹកស្អាត រួចទុកនៅកន្លែងស្ងួត។ កុំគ្រាន់តែលាងចានរួច បោះទុកចោលដោយគ្មានលាងទឹកសោះ។
៤. អត់ទុកចានឲ្យស្រកទឹកសិន មុនពេលយកទៅដាក់ក្នុងទូចាន៖
មនុស្សជាច្រើនគិតថា ពេលលាងចានរួចគួរប្រញាប់ដាក់ក្នុងទូចាន ដើម្បីកុំឲ្យមានធូលី។ តែពេលបរិយាកាសសើម និងផ្អាប់ផ្អូរ វានឹងធ្វើឲ្យមានក្លិនមិនល្អ។ ម្ល៉ោះហើយ អ្នកគូរមានកន្សែងជូតចានឬចង្កឹះឲ្យស្ងូតសិន សឹមប្រមូលទុកក្នុងក្នុងទូចាន៕ដោយ៖សហការី
