សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ យុវជនម្នាក់បានបេីករថយន្តToyota Prius ពន្លះបង្គោលភ្លេីងស្តុបវត្តលង្កា បណ្ដាលឲ្យរងការខូចខាតយ៉ាងដំណំ បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង១រំលងអធ្រាត្រ ឈានចូលថ្ងៃទី២៩ ខែតុលា ឆ្នាំ២០២០ តាមបណ្ដោយផ្លូវព្រះសីហនុ កែងផ្លូវប៉ាស្ទ័រ ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងគេឃេីញរថយន្តបង្កម៉ាក Toyota Prius ពណ៌ស្ករ ពាក់ស្លាកលេខភ្នំពេញ 2AO-1480 បេីកបរដោយយុវជនម្នាក់វ័យប្រហែល២០ឆ្នាំ បានធ្វេីដំណេីរតាមបណ្ដោយផ្លូវព្រះសីហនុក្នុង ទិសដៅពីកេីតមកលិចដោយប្រើល្បឿនយ៉ាងលឿន លុះដល់ចំណុចកេីតហេតុដែលជាផ្លូវកោង ហេីយមិនបន្ថយល្បឿនក៏ជ្រុលទៅបុកបង្គោលភ្លេីងស្តុបវត្តលង្កា បណ្ដាលឲ្យក្រពឹតបន្តិចបន្តួច ចំណែករថយន្តបង្កបានរងការខូចខាតផ្នែកខាងមុខយ៉ាងដំណំ តែមិនធ្វេីឲ្យអ្នកបេីកបរ ឬនរណាម្នាក់រងរបួសឡេីយ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ រួចទំនាក់ទំនងទៅសមត្ថកិច្ចជំនាញមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយតាមច្បាប់ ៕
ដោយ ៖ ភារ៉ា ដង្កោ
