សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ នៅរសៀលថ្ងៃដដែល ថ្ងៃព្រហស្បតិ៍ ១៣កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៩ ខែតុលា ឆ្នាំ២០២០ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានបន្តដំណើរបេកសកម្មដឹកនាំក្រុមមន្រ្តីបច្ចេកទេស ចុះពិនិត្យស្ថានភាពទឹក នៅប្រព័ន្ធធារាសាស្រ្តស្ទឹងជីក្រែង (អាងទឹកម្កាក់) ស្ថិតក្នុងស្រុកជីក្រែង ខេត្តសៀមរាប។
សូមបញ្ជាក់ថា ៖ ប្រព័ន្ធធារាសាស្រ្តខាងលើនេះ បានទទួលហិរញ្ញប្បទានពីសាធារណ:រដ្ឋប្រជាមានិត្យចិន ហើយបានសាងសង់រួចជាស្ថាពរក្នុងឆ្នាំ២០១៨ ដែលមានលទ្ធភាពផ្គត់ផ្តង់ទឹកស្រោចស្រពសម្រាប់បង្កើនផលិតផលកសិកម្មបានចំនួន ២.៤០០ ហិកតានៅរដូវប្រាំង និង២៨.៨៥០ ហិកតានៅរដូវវស្សា។
លោករដ្ឋមន្ត្រីបានមានប្រសាសន៍ថា ៖ ការចុះពិនិត្យ សំណង់ទំនប់អាងទឹកម្កាក់ គឺជាការចុះពិនិត្យស្ថានភាពទឹកជាក់ស្តែងក្នុងខេត្តសៀមរាម ព្រមទាំងមានសេចក្តីរីករាយដែលបានឃើញបរិមាណទឹករក្សាទុកក្នុងអាងបាន ១០០% ជាការអំណោយផលដល់ការងារបង្កបង្កើនផល និងប្រើប្រាស់ក្នុងជីវភាពប្រចាំថ្ងៃរបស់បងប្អូនប្រជាពលរដ្ឋស្រុកជីក្រែង ៕ដោយ៖សុខ ខេមរា
