ក្រុមការងារមន្ទីរធនធានទឹក ខេត្តប៉ៃលិន ចាប់ផ្តើមចុះជួសជុលបន្ទាន់ នូវហេដ្ឋារចនាសម្ព័ន្ធប្រព័ន្ធធារាសាស្ត្រ ដែលទទួលរងនូវការខូចខាតដោយសារជំនន់ទឹកភ្លៀង

ខេត្តប៉ៃលិន៖ អនុវត្តតាមបទបញ្ជាដ៏ម៉ឺងម៉ាត់ និងហ្មត់ចត់ របស់លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម នៅថ្ងៃទី៣១ ខែតុលា ឆ្នាំ២០២០ មន្ទីរធនធានទឹក និងឧតុនិយមខេត្តប៉ៃលិន បានចាប់ផ្តើមចុះជួសជុលបន្ទាន់ នូវហេដ្ឋារចនាសម្ព័ន្ធប្រព័ន្ធធារាសាស្ត្រ ដែលទទួលរងនូវការខូចខាតដោយសារជំនន់ទឹកភ្លៀង ដោយមានការអញ្ជើញចុះពិនិត្យដោយផ្ទាល់ របស់លោក ផាន់ ចាន់ ធុល អភិបាល នៃគណៈអភិបាលខេត្តប៉ៃលិន ។

សូមជម្រាបជូនថា ជំនន់ទឹកភ្លៀងក្នុងខេត្តប៉ៃលិនកន្លងមក បានបណ្តាលឲ្យខូចខាតដល់ប្រព័ន្ធធារាសាស្ត្រមួយចំនួនដូចជា ៖ 

   ១- ខូចខាតប្រឡាយមេ១ខ្សែ ប្រវែង ១ ១០០ ម ខូតខាតទំនប់១ខ្សែ ប្រវែង ៣២០ ម ស្ថិតក្នុងឃុំសាលាក្រៅ ស្រុកសាលាក្រៅ 

   ២- ខូចខាតប្រឡាយរង២ខ្សែ ប្រវែង ២ ៣៥០ ម ស្ថិតក្នុងឃុំស្ទឹងត្រង់ ស្រុកសាលាក្រៅ ខេត្តប៉ៃលិន ៕

ដោយ៖ សិលា